सिवान (बिहार) – येथील रेल्वे ओव्हरब्रिजला लागून असलेल्या लक्ष्मीपूरमध्ये एका भरधाव ट्रकने सहा जणांना चिरडले. या भिषण अपघातात एका महिला बँक कर्मचाऱ्यासह दोन जणांचा जागीच मृत्यू झाला. तर चार जण गंभीर जखमी आहेत, या अपघातानंतर संतप्त नागरिकांनी ट्रकचे नुकसान करत चालकाला मारहाण केली. ट्रकचालकाला उपचारासाठी सदर रुग्णालयात दाखल करण्यात आले .
घटनेच्या संदर्भात, पोलीसांनी सांगितले की, ओव्हरब्रिजवर उतरल्यानंतर ट्रक चालकाचे नियंत्रण सुटले. त्याने प्रथम, स्कूटीने जाणाऱ्या एका महिला बँकरला चिरडले, त्यानंतर तिने इतर दोन दुचाकींना धडक दिली. या अपघातादरम्यान ट्रकने दुचाकी 150 मीटरपर्यंत ओढत नेली. ट्रॅफिक जाममुळे त्याने ट्रक थांबवला तेव्हा त्यात अडकलेल्या लोकांना बाहेर काढण्यात आले. या अपघातानंतर संतप्त लोकांनी ड्रायव्हरला ट्रकमधून खाली उतरवले आणि त्याला बेदम मारहाण केली. त्यामुळे चालकाची प्रकृती बिघडली. या घटनेची माहिती मिळताच शहर पोलीस ठाण्याचे पोलीस घटनास्थळी पोहोचले, ज्यांनी चालकाला ताब्यात घेऊन त्याला उपचारासाठी सदर रुग्णालयात दाखल केले. या घटनेचा पुढील तपास सुरू आहे.
