मुंबई (इंडिया दर्पण वृत्तसेवा) – विधानसभा निवडणुका अवघ्या काही महिन्यावर येऊन ठेपल्यामुळे आता विविध सर्व्हे समोर येऊ लागले आहे. त्यात काही सर्व्हे महायुतीचा कल दाखवतात तर काही सर्व्हेमध्ये महाविकास आघाडीची सत्ता येईल असा अंदाज व्यक्त केला जात आहे. पण, अशाच राष्ट्रवादी शरद पवार गटाचे आमदार रोहित पवार यांनी सोशल मीडियावर एक पोस्ट टाकत भाजपच्या अंतर्गत सर्व्हेत महायुतीच्या घटक पक्षाला किती जागा मिळेल हे सांगत खळबळ निर्माण केली आहे.
सोशल मीडियातील पोस्टमध्ये रोहित पवार यांनी म्हटले आहे की, एका internal source च्या माहितीनुसार परवाच भाजपचा अंतर्गत सर्व्हे आला असून त्यामध्ये अजितदादांच्या गटाला ७-११ जागा, शिंदे साहेबांच्या गटाला १७-२२ जागा आणि भाजपला ६२-६७ जागा मिळून लोकसभेची पुनरावृत्ती होण्याचा अंदाज आल्याने भाजपमध्ये अंतर्गत गोटात भीती पसरलीय. यातूनच केंद्रीय स्तरावरून अनेक हालचाली सुरू झाल्या आहेत.
भाजपच्या एका मोठ्या केंद्रीय नेत्याने परवा अजितदादांना काही ठराविक जागा ऑफर केल्या असून अजितदादांनी पवार साहेबांच्या राष्ट्रवादीच्या नेत्यांना मतदारसंघातच रोखण्यासाठी त्यांच्या विरोधात मोठे नेते उभे केले किंवा अपक्ष उभे करण्याची तयारी दाखवली तर ६ ते ७ जागा अतिरिक्त देण्याचीही ऑफर दिलीय.
कर्जतजामखेड संदर्भात तर “कुछ भी कर के, अभी उसे वही पे रोको”, असं सांगितल्याने #कर्जतजामखेडची लढत राज्यात सर्वाधिक लक्षवेधी आणि तेवढीच इंटेरेस्टिंग होणार हे नक्की आहे. पण मीही या #महाकाय शक्तीसोबत दोन हात करायला सज्ज असून या महायुद्धात कर्जत-जामखेडकर #स्वाभिमान आणि #निष्ठा काय असते, ते या महाशक्तीला दाखवून देतील, असा विश्वास आहे.
