नाशिक (इंडिया दर्पण वृत्तसेवा): महाराष्ट्र राज्य परीक्षा परिषदेमार्फत रविवार 10 नोव्हेंबर 2024 रोजी घेण्यात आलेल्या शिक्षक पात्रता परीक्षा पेपर क्रमांक 1 व 2 ची अंतरिम उत्तरसूची 11 डिसेंबर 2024 रोजी प्रसिद्ध करण्यात आली होती. याबाबत असलेले त्रूटी व आक्षेपाबाबत 16 डिसेंबर 2024 पर्यंत निवेदन नोंदविण्याची मुदत देण्यात आली होती. त्यानुसार विहित मुदतीत प्राप्त झालेल्या लेखी निवेदनांवर विषयतज्ज्ञांचे अभिप्राय घेवून अंतिम उत्तरसूची प्रसिद्ध करण्यात येणार आहे, अशी माहिती महाराष्ट्र राज्य परीक्षा परिषद पुणेचे उपायुक्त संजयकुमार राठोड यांनी प्रसिद्धी पत्रकान्वये दिली आहे.
या अंतिम उत्तरसूचीबाबत कोणतेही निवेदन/ आक्षेप स्वीकराले जाणार नाहीत, याची उमेदवारांनी नोंद घ्यावी. तसेच अंतिम उत्तरसूचीनुसार MAHATET 2024 परीक्षेचा निकाल यथावकाश प्रसिद्ध करण्यात येईल, असेही प्रसिद्धी पत्रकात नमूद करण्यात आले आहे.
