नाशिक (इंडिया दर्पण वृत्तसेवा): महाराष्ट्र राज्य परीक्षा परिषदेमार्फत रविवार 10 नोव्हेंबर 2024 रोजी घेण्यात आलेल्या शिक्षक पात्रता परीक्षा पेपर क्रमांक 1 व 2 ची अंतरिम (तात्पुरती) उत्तरसूची https://mahatet.in या संकेतस्थळावर प्रसिद्ध करण्यात आली आहे. या परीक्षेसाठी पेपर क्रमांक 1 व 2 बाबत प्रश्नपत्रिकेतील कोणत्याही प्रश्नाबाबत किंवा पर्यायी उत्तराबाबत त्रुटी/ आक्षेप असल्यास याबाबचे निवदेन 16 डिसेंबर 2024 पर्यंत नोंदवावे, असे आवाहन महाराष्ट्र राज्य परीक्षा परिषद पुणे आयुक्त अनुराधा ओक यांनी प्रसिद्धी पत्रकान्वये केले आहे.
परीक्षार्थींना बाबत प्रश्नपत्रिकेतील कोणत्याही प्रश्नाबाबत किंवा पर्यायी उत्तराबाबत त्रुटी/ आक्षेप बाबतचे निवदेन https://mahatet.in या संकेतस्थळावरील परीक्षार्थांच्या लॉगइन मध्ये उपलब्ध करून देण्यात आले असून आक्षेप नोंदणी या लिंकद्वारे परिषदेकडे पाठविता येतील. आक्षेपाबाबत लेखी निवेदन समक्ष/ टपालाने वा ईमेलद्वारे पाठविल्यास त्याचा विचार केला जाणार नाही. विहित मुदतीत ऑनलाईन रित्या प्राप्त झालेल्या आक्षेपाचा विचार करून तज्ज्ञांच्या अभिप्रायानुसार अंतिम उत्तरसूची यथावकाश प्रसिद्ध करण्यात येईल, असेही प्रसिद्धी पत्रकात नमूद करण्यात आले आहे.
