येवला (इंडिया दर्पण वृत्तसेवा) –आगामी विधानसभा निवडणूकीच्या पार्श्वभूमीवर राष्ट्रवादी पक्षाचे सर्वेसर्वा शरद पवार यांच्या तुतारी फुंकणारा माणूस या नविन चिन्हाची ओळख सर्वसामान्य मतदारांपर्यंत पोहचवण्यासाठी नाशिकच्या येवला शहरात सार्वजनिक ठिकाणी भिंतींवर निशाणी रंगवण्याची मोहिम सुरु करण्यात आली आहे.
येवला शहरातील गजबजलेल्या ठिकाणच्या दर्शनी भिंतीवर तुतारी फुंकणारा माणूस ही निशाणी कार्यकर्त्यांनी रंगवण्याची मोहिम सुरु केली आहे. लोकसभा निवडणीत साध्यर्म्य असलेली निशाणी मुळे राष्ट्रवादी शरद पवार गटाला फटका बसला होता. त्यामुळे पक्षाची खरी निशाणी नागरीकां पर्यंत पोहचवण्यासाठी ही मोहिम सुरु करण्यात आली आहे.
