नाशिक – महाराष्ट्र शासनाने एकत्रिकृत विकास नियंत्रण व प्रोत्साहन नियमावली ३ डिसेंबर २०२० पासून सर्व राज्यात लागू केली आहे. सदर नियमावलीनुसार संपूर्णत: ऑनलाईन पध्दतीने विकसन परवानग्या देण्यासाठी शासनाने महा आयटी यांचे सहकार्याने संगणकीय प्रणाली विकसित केली आहे. त्या अंतर्गत संपूर्ण महाराष्ट्रातून प्रायोगिक तत्वावर एकूण १८ ठिकाणे निश्चित करणेत आलेली आहे. त्या अंतर्गत संपूर्ण महाराष्ट्रातून संगणकीय प्रणालीतून नाशिक महानगरपालिकेने सर्वात पहिली परवानगी आज दिली आहे. अशा पध्द्तीने यशस्वीरित्या संगणकीय प्रणालीची चाचणी झाली आहे. एकत्रिकृत विकास नियंत्रण नियमावली तसेच संगणकीय प्रणाली विकसित केल्यामुळे नागरिकांना तसेच वास्तुविशारद, अभियंता यांना वारंवार कोणत्याही कार्यालयात प्रत्यक्ष जाण्याची गरज भासु नये, या दृष्टीने नगर विकास मंत्री एकनाथ शिंदे, प्रधान सचिव भुषण गगराणी, संचालक नांगनूरे, सह सचिव तथा संचालक शेंडे ,सहसंचालक प्रतिभा भदाणे, तसेच शासन नियुक्त संगणकीय प्रणाली विकसित करण्यासाठी असलेल्या टीमचे सह संचालक अविनाश पाटील साहेब, सहसंचालक (सेवा निवृत्त) भुक्तेव शैलेंद्र बेंडाळे, शहर विकास व नियोजन अधिकारी ठाणे महानगरपालिका, यांचे विशेष मार्गदर्शन लाभले आहे.
या प्रणालीव्दारे महाराष्ट्रातील सर्व प्रथम परवानगी पत्र आयुक्त कैलास जाधव, सहसंचालक, श्रीमती प्रतिभा भदाणे, सहायक संचालक अंकुश सोनकांबळे, नगर नियोजन विभागाचे अधिकारी यांचे उपस्थितीत वास्तुविशारद अजित कुलकर्णी यांना आज रोजी देण्यात आले.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
