इंडिया दर्पण ऑनलाईन डेस्क – ‘सब भूमी गोपाल की’ असे आचार्य विनोबा भावे यांनी म्हटले आहे. पृथ्वीवर जन्माला येणारा कोणताही मानव अमर्त्य असून एक दिवस त्याला या मातीतच मिसळायचे आहे. परंतु तरीही एका छोट्या जमिनीच्या तुकड्यासाठी गावागावात, राज्य राज्यात, देशात देशात इतकेच नव्हे तर जगभरात कुठेही वादविवाद, भांडणे, हाणामाऱ्या हिंसाचाराच्या इतकेच नव्हे तर खूनही पडतात.
शेतकऱ्यांमध्ये देखील छोट्याशा बांधावरून वाद होतात. भावा भावामध्ये शेतीच्या वाटणीवरून हाणामाऱ्या देखील होतात तशाच प्रकारे जमिनीच्या वादातून मध्यप्रदेशात वेगळेच प्रकरण समोर आले आहे. छतरपूर जिल्ह्यातील एक छोटे गाव एका साईन बोर्डमुळे चर्चेत आहे.
वास्तविक हा साईन बोर्ड एका खासगी जमिनीवर लावण्यात आला आहे, त्यावर लिहिले आहे की, सदर जमीन ही वादग्रस्त आहे, ही जमीन रक्त मागत आहे. पोलिसांनीही अशा ‘हिंसक’ फलकांवर कारवाई केली असून ते हटवण्याची तयारी केली आहे. सदर प्रकरण हे छतरपूर जिल्ह्यातील चांदला पोलीस स्टेशन क्षेत्रातील हिम्मतपूर गावातील आहे. गावापासून दूर असलेल्या मुख्य रस्त्याच्या कडेला गेल्या अनेक वर्षांपासून फलक लावण्यात आला आहे. हा फलक जिल्हा प्रशासनालाच नव्हे तर पोलीस प्रशासनालाही आव्हान देत आहे.
वादमुळे मंडळाची स्थापना
मिळालेल्या माहितीनुसार, ही जमीन गावातच राहणाऱ्या तिवारी कुटुंबाची असून, त्यांचा गेल्या अनेक वर्षांपासून वाद सुरू आहे. जमिनीच्या वादातून दोन्ही कुटुंबात अनेकवेळा भांडणे होत होती. ही जमीन गुल्ही तिवारी यांच्या नावावर असून गावात राहणाऱ्या लक्कू तिवारी यांच्याशी वाद सुरू आहे. याप्रकरणी एसपी सचिन शर्मा म्हणाले की, ही बाब नुकतीच निदर्शनास आली आहे. ते म्हणाले, ‘हा फलक कोणी लावला याचा सध्या पोलीस तपास करत आहेत. या प्रकाराचे फलक काढण्यात येतील, असेही सांगण्यात आले.
