मध्य प्रदेशात भीषण अपघात... पुलावरुन बस नदीत कोसळली... १५ ठार, ३० जखमी

इंडिया दर्पण ऑनलाईन डेस्क – मध्य प्रदेशातील खरगोन जिल्ह्यात एक मोठी दुर्घटना घडली आहे. बोराड नदीवरील पुलावरून एक प्रवासी बस ५० फूट खाली नदीत पडली. या अपघातात १५ जणांचा मृत्यू झाला. तर २५ हून अधिक जण जखमी झाले आहेत. मृतांचा आकडा २० पर्यंत वाढू शकतो. या अपघातात चालक, कंडक्टर आणि क्लिनरचाही मृत्यू झाल्याची माहिती आहे. मुख्यमंत्री शिवराज सिंह चौहान आणि माजी मुख्यमंत्री कमलनाथ यांनी खरगोनमध्ये झालेल्या बस अपघातावर शोक व्यक्त केला आणि मृतांच्या कुटुंबियांप्रती शोक व्यक्त केला.

मध्य प्रदेशचे गृहमंत्री नरोत्तम मिश्रा म्हणाले की, ही अत्यंत दुःखद घटना आहे. या घटनेच्या दंडाधिकारी चौकशीचे आदेश देण्यात आले आहेत. अधिकारी तातडीने घटनास्थळी पोहोचले. या घटनेत १५ जणांचा मृत्यू झाल्याची माहिती आहे. तर सुमारे २५ जण जखमी झाले आहेत. जखमींना तातडीने उपचारासाठी रुग्णालयात दाखल करण्यात आले आहे. मृतदेह पोस्टमॉर्टमसाठी पाठवण्यात आले आहेत.

बस क्रमांक MP10-P-7755 ही मां शारदा ट्रॅव्हल्सची आहे, जी खरगोन जिल्ह्यातून इंदूरला जात होती. खरगोन-ठीकरी मार्गावर हा अपघात झाला. बस नदीवरील पुलावरून जात असताना अचानक खाली पडली. मोठा आवाज झाला आणि गोंधळ झाला. बसमध्ये ४० हून अधिक प्रवासी होते. दसंगा गावाजवळ हा अपघात झाला. गावकऱ्यांनी पोलिसांना माहिती दिली.

गावकऱ्यांसह पोलीस कर्मचारी जखमींना मदत करण्यात गुंतले आहेत. घटनेची माहिती मिळताच आमदार रवी जोशी हेही घटनास्थळी रवाना झाले आहेत. घटनास्थळी पोहोचलेले आमदार रवी जोशी यांच्याशी संवाद साधला असता, गावकऱ्यांनी सांगितले की, बसेस दररोज भरधाव वेगाने जातात. अनेकवेळा आम्ही बसचालकांना अडवले, पण ते दादागिरी करतात.

#Khargone, passenger bus fell from the bridge, 15 death and 30 Injured as Per Collector #Khargone pic.twitter.com/6N6kgeSasy

— Siddhant Anand (@JournoSiddhant) May 9, 2023

या दुर्घटनेवर शोक व्यक्त करत मुख्यमंत्री शिवराज सिंह चौहान यांनी मृतांच्या कुटुंबियांना आणि जखमींना आर्थिक मदत जाहीर केली आहे. खरगोन येथील बस अपघातात मृत्युमुखी पडलेल्यांच्या कुटुंबीयांना ४ लाख रुपये, गंभीर जखमींना ५० हजार रुपये, किरकोळ जखमींना २५ हजार रुपयांची आर्थिक मदत राज्य सरकारने जाहीर केली आहे. यासोबतच अपघातातील जखमींवर योग्य उपचाराची व्यवस्था राज्य सरकारकडून करण्यात येणार आहे.

नदी कोरडी पडल्याने मृतांची संख्या १५च्या आसपास असल्याचे सांगण्यात येत आहे. नदीत पाणी असते तर मृतांचा आकडा वाढू शकला असता. गेल्या वर्षी खलघाट येथे अशीच एक घटना घडली होती, जेव्हा नर्मदा नदीवरील पुलावरून बस पडली आणि कोणीही वाचले नाही.

माजी मुख्यमंत्री आणि प्रदेश काँग्रेस अध्यक्ष कमलनाथ म्हणाले की, खरगोन जिल्ह्यात बसच्या अपघातात १५ जणांचा मृत्यू झाला असून अनेक जण जखमी झाल्याची दुःखद बातमी मिळाली आहे. दिवंगत आत्म्यांना शांती लाभो हीच ईश्वर चरणी प्रार्थना. जखमींना लवकरात लवकर बरे होण्यासाठी शुभेच्छा. मदत आणि बचाव पथकांना त्यांच्या मिशनमध्ये लवकर यश मिळावे अशी मी प्रार्थना करतो.

Madhya Pradesh | 15 people dead and 25 injured after a bus falls from a bridge in Khargone
MP govt. announces immediate financial assistance of Rs 4 lakhs each to the families of deceased, Rs 50,000 each to the seriously injured; Rs 25000 each to those who received minor injuries pic.twitter.com/bdiZZTS9yz

— DD News (@DDNewslive) May 9, 2023