संतापजनक… आदिवासी बहिणींवर सामुहिक बलात्कार… व्हिडिओही बनवला… तब्बल ७ जणांचे निर्दयी कृत्य..

इंडिया दर्पण ऑनलाईन डेस्क – मध्य प्रदेशातील रेवा जिल्ह्यात एक धक्कादायक घटना समोर आली आहे. आदिवासी बहिणींवर तब्बल ७ जणांनी सामुहिक बलात्कार केला आहे. एवढ्यावरचे निर्दयी थांबले नसून त्यांनी या सर्व प्रकाराचा व्हिडिओही तयार केला. आणि तोच व्हिडिओ सोशल मिडियात व्हायरल झाल्याने खळबळ उडाली आहे.

रेवा जिल्ह्यातील हनुमाना पोलीस स्टेशन परिसरातून बर्बरपणाची हद्द ओलांडल्याची घटना समोर आली आहे. जंगलात लाकूड तोडण्यासाठी गेलेल्या १३ आणि १४ वर्षांच्या दोन चुलत बहिणींवर सात तरुणांनी सामूहिक बलात्कार केला. मुलींनी जेव्हा आपला त्रास कथन केला तेव्हा पोलिसांनाही धक्का बसला. एकासह पाच आणि अन्य आरोपींसोबत दोघांनी अत्याचार करून व्हिडिओही बनवला. रविवारी झालेल्या सामूहिक बलात्काराचा व्हिडिओ व्हायरल झाल्याने पोलिस विभागात खळबळ उडाली आहे. पोलिसांनी घाईघाईत पीडित मुलींची ओळख पटवून त्यांना पोलीस ठाण्यात आणले. त्यानंतर गुन्हा दाखल करून पाच मुलांना ताब्यात घेण्यात आले. या घटनेबाबत आरोपींची चौकशी करण्यात येत आहे. दोन आरोपी अद्याप फरार आहेत.

मिळालेल्या माहितीनुसार, दोन बहिणींसोबतच्या या क्रूर अत्याचाराची घटना सुमारे १५ दिवसांपूर्वीची आहे. १३ आणि १४ वर्षांच्या दोन्ही बहिणी लाकूड तोडण्यासाठी जंगलात गेल्या होत्या. तिथे आधीच पाच मुलं होती. दोन्ही बहिणींना पाहताच आरोपीने अश्लील हावभाव करण्यास सुरुवात केली. आणि त्यांच्या आणखी दोन साथीदारांना फोनकरुन बोलावले. त्यांचा हेतू लक्षात येताच दोन्ही बहिणी तिथून पळू लागल्या. त्यानंतर सातही नराधमांनी त्यांचा पाठलाग केला. बहिणींना पकडून त्यांनी जंगलात नेले. तेथे त्यांनी मुलींना ओलीस ठेवले. त्यानंतर सातही नराधमांनी या बहिणींवर आळीपाळीने बलात्कार केला. आरोपींनी या बहिणींना मारहाणही केली. त्यावेळी या नराधमांनी व्हिडिओही बनवला. क्रूरतेनंतरही बहिणींना ओलीस ठेवण्यात आले. दोन्ही बहिणी सोडण्याची विनंती करत राहिल्या. पण, नराधमांनी दया मया दाखवली नाही. त्यानंतर घटनेची माहिती कोणालाही दिल्यास व्हिडिओ व्हायरल करून बदनामी करण्याची धमकी देऊन आरोपी निघून गेले. अपशब्दाच्या भीतीमुळे कुटुंबीयांना या भीषण घटनेची माहिती देण्याचे धाडस या बहिणी करू शकल्या नाहीत.

सोमवारी पोलिस अधिकाऱ्यांनी घटनास्थळाची पाहणी केली. एसपी विवेक सिंग, एएसपी विवेक कुमार लाल, डॉ. आर.पी. शुक्ला, वरिष्ठ वैज्ञानिक अधिकारी, सीन ऑफ क्राइम युनिट यांनी पथकासह भौतिक पुरावे गोळा केले. पोलिसांना घटनेशी संबंधित महत्त्वाचे पुरावे मिळाले असून, त्या आधारे पुढील तपास सुरू आहे.

Madhya Pradesh Crime Reva District Gang Rape Sisters
Girl Molestation Sexual Abuse Youts Trible Brutality