नवी दिल्ली (इंडिया दर्पण वृतसेवा) – LPG सिलिंडरचे नवीन दर जाहीर झाले आहेत त्यामुळे आज इंडेन सिलिंडर 135 रुपयांनी स्वस्त झाला आहे. पेट्रोलियम कंपनी इंडियन ऑइलने व्यावसायिक सिलिंडरच्या दरात ही कपात केली आहे, तर घरगुती एलपीजी सिलिंडर ग्राहकांना कोणताही दिलासा मिळालेला नाही. 14.2 किलोचा घरगुती सिलिंडर मध्ये कोणताही बदल झाला नाही म्हणजेच स्वस्त किंवा महागही झाला नाही. तो आजही 19 मे रोजीच्या दराने उपलब्ध आहे.
मे महिन्यात घरगुती एलपीजी सिलिंडरच्या ग्राहकांना दोनदा धक्का बसला होता. दि. 7 मे रोजी घरगुती सिलिंडरच्या दरात मे महिन्यात प्रथमच 50 रुपयांनी वाढविण्यात आली होती म्हणजे 19 मे रोजीही एलपीजी गॅस सिलेंडरच्या किंमतीत वाढ करण्यात आली होती.
दि. 7 मे रोजी एलपीजीच्या दरात झालेल्या बदलामुळे जिथे घरगुती सिलिंडर 50 रुपयांनी महागला, तिथे 19 किलोचा व्यावसायिक सिलिंडर सुमारे 10 रुपयांनी स्वस्त झाला. दि. 19 मे रोजी त्याचे दर आठ रुपयांनी वाढले होते.
19 किलोच्या सिलेंडरवर आज म्हणजेच 1 जून रोजी थेट 135 रुपयांपर्यंतचा दिलासा मिळणार आहे. आता 19 किलोचा सिलेंडर दिल्लीत 2354 ऐवजी 2219 रुपये, कोलकात्यात 2454 ऐवजी 2322, मुंबईत 2306 ऐवजी 2171.50 आणि चेन्नईमध्ये 2507 ऐवजी 2373 रुपयांना विकला जाईल. 1 मे रोजी त्यात सुमारे 100 रुपयांची वाढ झाली होती. त्याच वेळी, मार्चमध्ये दिल्लीत 19 किलोच्या एलपीजी सिलिंडरची किंमत केवळ 2012 रुपये होती. 1 एप्रिलला ते 2253 वर आणि 1 मे रोजी 2355 रुपयांवर पोहोचले.
