शुक्रवार, ऑगस्ट 1, 2025
India Darpan Live
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
No Result
View All Result
India Darpan Live
No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर
ADVERTISEMENT

ऑरीक बिडकीन औद्योगिक प्रकल्पाचे प्रधानमंत्री नरेंद्र मोदी यांच्या हस्ते लोकार्पण

by Gautam Sancheti
सप्टेंबर 29, 2024 | 7:32 pm
in महत्त्वाच्या बातम्या
0
pm csn 908x420 1

छत्रपती संभाजीनगर (इंडिया दर्पण वृत्तसेवा) – ऑरीक -बिडकीन औद्योगिक प्रकल्पातील औद्योगिक गुंतवणुकीच्‍या माध्यमातुन मराठवाड्यातील तरुणांसाठी मोठ्या प्रमाणात रोजगार निर्मिती होईल, असे प्रतिपादन प्रधानमंत्री नरेंद्र मोदी यांनी विविध विकास कामांच्या लोकार्पण सोहळ्यात केले. पंतप्रधान नरेंद्र मोदी यांच्‍या हस्‍ते बिडकीन औद्योगिक क्षेत्राचा लोकार्पण सोहळा आयोजित करण्‍यात आला होता.

दूरदृश्‍य प्रणाली द्वारे बिडकीन औद्योगिक प्रकल्पाच्या लोकार्पण सोहळ्यात राज्यपाल सी. पी. राधाकृष्‍णन, पुणे येथून मुख्यमंत्री एकनाथ शिंदे, उपमुख्यमंत्री देवेंद्र फडणवीस ,उपमुख्यमंत्री अजित दादा पवार, उद्योग मंत्री उदय सामंत, उच्च व तंत्र शिक्षण मंत्री चंद्रकांत दादा पाटील, लोकसभेचे खासदार मुरलीधर मोहोळ, छत्रपती संभाजीनगर येथील ऑरिक हॉल, डीएमआयसी प्रकल्प, शेंद्रा येथून गृहनिर्माण मंत्री अतुल सावे. राज्यसभेचे खासदार डॉ. भागवत कराड, विभागीय आयुक्त दिलीप गावडे, अप्पर जिल्हाधिकारी डॉ. अरविंद लोखंडे ,डीएमआयसी सह व्यवस्थापकीय संचालक दत्ता भडकवाड, एमआयडीसीचे प्रादेशिक अधिकारी चेतन गिरासे महाराष्‍ट्र औद्योगिक विकास एमआयडीसीचे प्रकल्‍प व्‍यवस्‍थापक अरुण दुबे, महेश पाटील यांच्यासह विविध उद्योग समूहाचे प्रतिनिधी, उद्योजक उपस्थित होते.

प्रधानमंत्री नरेंद्र मोदी म्‍हणाले की, शासनाने ऑरिक सिटीच्‍या उद्घाटनापासून ते प्रकल्‍प पूर्ती करण्‍याचे काम केले आहे. ८ हजार एकरवर या औद्योगिक वसाहतीचा विस्‍तार असून यामधून मोठ्या प्रमाणात आर्थिक गुंतवणूक विविध उद्योगाच्‍या मार्फत करण्‍यात आली आहे. बिडकीन प्रकल्‍पाच्‍या माध्‍यमातून युवकांना रोजगार उपलब्‍धतेबरोबरच पायाभूत सुविधांचाही विकास होत आहे.

ऑरिक बिडकीन प्रकल्‍पाविषयी माहिती

ऑरिक हे भारतातील अत्‍यंत नियोजनबध्‍द पध्‍दतीने विकसित केलेले औद्योगिक शहर हे केंद्र (४९%) आणि MIDC (५१%) संयुक्‍त विद्यमानातून छत्रपती संभाजीनगर येथे १० हजार एकरवर दिल्‍ली मुंबई इंडस्ट्रियल कॉरिडॉर च्‍या माध्‍यमातून विकसित होत आहे.
ऑरिक औद्योगिक क्षेत्रामध्‍ये शेंद्रा आणि बिडकीन या दोन औद्योगिक क्षेत्रांचा समावेश आहे.
बिडकीन औद्योगिक शहर हे ७ हजार ८५५ एकर क्षेत्रामध्‍ये वसलेले असून रेल्‍वे व रस्‍ते मार्गाने जोडले गेलेले आहे.या क्षेत्रापासून ३५ किलोमीटरच्‍या अंतरावर आंतरराष्‍ट्रीय विमानतळ आहे, तसेच जेएनपीटी अवघ्‍या ३२० किलोमीटर अंतरावर आहे. यामुळे भारतातील सर्वात मोठ्या बंदरासाठी सुलभ दळणवळण सुविधा उपलब्‍ध होत आहे. बिडकीन औद्योगिक क्षेत्र हे बाळासाहेब ठाकरे महाराष्‍ट्र समृध्दी महामार्गापासून अवघ्‍या ३५ किलोमीटर अंतरावर आहे.
बिडकीन औद्योगिक क्षेत्रामध्‍ये आंतरराष्‍ट्रीय दर्जाच्‍या सुविधामध्‍ये
१. प्‍लग अॅंड प्‍ले इन्‍फ्रास्‍ट्रक्‍चर

२. २४×७ मुबलक विद्युत व पाणी पुरवठा

३. पर्यावरण विषयक परवानगी (EC)

४. योग्‍य क्षमतेचं CEPT &STP प्रकल्‍प

५. अद्यावत INTERNET सुविधा

६. Walk to work concept

७. एक खिडकी योजनाव्‍दारे सर्व परवाने उपलब्‍ध या सुविधांमूळे हे क्षेत्र बहुराष्‍ट्र कंपन्‍यांना महाराष्‍ट्रामध्‍ये कारखाना उभारण्‍यासाठी एक आदर्श ठिकाण ठरले आहे.

ऑरिक बिडकीन औद्योगिक क्षेत्राच्‍या प्रकल्‍पाचा अंदाजीत खर्च ९ हजार १२२ कोटी पेक्षा जास्‍त आहे. या क्षेत्रामधून सुमारे ६० हजार कोटी रुपये इतकी गुंतवणूक निर्माण होणार असून त्‍याव्‍दारे सुमारे ३५ हजार प्रत्‍यक्ष व ७५ हजार अप्रत्‍यक्ष रोजगार निर्मिती अपेक्षित आहे.
बिडकीन औद्योगिक क्षेत्र हे पुढच्‍या भविष्‍याची एक नांदी आहे. या औद्योगिक क्षेत्रांमध्‍ये इलेक्ट्रिकल व्‍हेईकल, ऑटोमोबाईल्‍स आणि ऑटो कंपोनंट्स, औषध निर्माण व जैव तंत्रज्ञान, फूड प्रो‍सेसिंग, अवजड अभियांत्रिक उद्योग आणि कपडे उद्योग यांना मोठी संधी उपलब्‍ध होणार आहे.
आतापर्यंत ऑरिक बिडकीन औद्योगिक क्षेत्रामध्‍ये गुंतवणूक केलेल्‍या प्रमुख कंपन्‍यांमध्‍ये
१. भारतातील इलेक्ट्रिक दुचाकी उत्‍पादक कंपनी अथर एनर्जी

२. औषध निर्माण क्षेत्रातील कंपनी पिरामल फार्मा

३. विशेष पॅकेजिंग कंपनी असलेले कॉस्‍मो फिल्‍म आणि

४. ऑटोमोबाईल्‍स आणि औद्योगिक कंपन्‍यांसाठी वंगण निर्माण करणारी लुब्रीझॉल या कंपन्‍याचा समावेश झालेला आहे.

बिडकीन औद्योगिक क्षेत्रामध्‍ये टोयाटो किर्लोस्‍कर मोटर इलेक्ट्रिक व हायब्रीड व्‍हेईकल विकसित करणार आहे. या संदर्भात महाराष्‍ट्र शासन आणि किर्लोस्‍कर मोटर्स यांच्‍यामध्‍ये ३१ जुलै २०२४ रोजी सामंजस्‍य करार करण्‍यात आलेला आहे. या कंपनीतर्फे प्रकल्‍पामध्‍ये वीस हजार कोटी रुपयांची गुंतवणूक करण्‍याचे नियोजन असून यामधून ८ हजार पेक्षा जास्‍त रोजगार निर्मिती होणार आहे.
Jsw ग्रीन मोबिलिटी प्रकल्‍पास मंजूरी दिली असून ही कंपनी सुध्‍दा २७ हजार २०० कोटी रुपयांची गुंतवणूक्‍ या बिडकीन क्षेत्रामध्‍ये करणार असून यामधून जवळपास ५ हजार २०० रोजगार निर्मिती होणार आहे.
मराठवाडा क्षेत्रामध्‍ये शेतीशी निगडित व्‍यवसाय मोठ्या प्रमाणात होत आहे याची जाणीव ठेवून आम्‍ही बिडकीन ओद्योगिक क्षेत्रामध्‍ये १०० एकरवर मेगा फुड पार्क विकसित केलेला आहे.
ऑरिक औद्योगिक क्षेत्रामुळे मराठवाड्याचा विकास साधला जात आहे याच पार्श्‍वभूमीवर केंद्रीय मंत्रिमंडळाच्‍या वतीने नुकत्‍यात दिघी पोर्ट औद्योगिक क्षेत्राच्‍या विकासाला मंजुरी देण्‍यात आली आहे. त्‍यामाध्‍यमातून रायगड जिल्‍ह्यातील ६ हजार ५६ एकर क्षेत्रावरती औद्योगिक क्षेत्र निर्माण करत आहोत . यामध्‍ये सुमारे ३८ हजार कोटी रुपयांची गुंतवणूक अपेक्षित असून जवळपास १ लाख १४ हजार इतकी रोजगार निर्मिती होणार आहे.

Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
WhatsApp Channel
Join Now
Telegram Group
Join Now
YouTube Channel
Subscribe

Previous Post

नाशिक महानगर प्रदेश विकास प्राधिकरणावर शिवसेनेचे आमदार किशोर दराडे यांची नियुक्ती

Next Post

या व्यक्तींना आर्थिक समस्या मिटण्याचे संकेत मिळेल, जाणून घ्या, सोमवार, ३० सप्टेंबरचे राशिभविष्य

Gautam Sancheti

संस्थापक व संपादकीय प्रमुख, इंडिया दर्पण लाइव्ह गौतम संचेती हे India Darpan Live या लोकप्रिय डिजिटल न्यूज पोर्टलचे संस्थापक आणि संपादकीय प्रमुख आहेत. सत्य, स्पष्टता आणि जबाबदारी या तत्त्वांवर आधारलेली पत्रकारिता हेच त्यांचे कार्यध्येय आहे. त्यांनी ग्रामीण आणि शहरी भागातील वाचकांसाठी एक विश्वासार्ह माहितीचा स्रोत उभारला आहे.

Next Post
राशीभविष्य प्रातिनिधीक फोटो

या व्यक्तींना आर्थिक समस्या मिटण्याचे संकेत मिळेल, जाणून घ्या, सोमवार, ३० सप्टेंबरचे राशिभविष्य

ताज्या बातम्या

ed

ईडीने राज्यातील या सहकारी बँकेची ३८६ कोटी रुपयांची स्थावर मालमत्ता केली परत…

ऑगस्ट 1, 2025
image003BZH6

ऐतिहासिक पाऊल…या बंदरात स्वदेशी बनावटीचा १ मेगावॅटचा हरित हायड्रोजन कारखाना सुरु

ऑगस्ट 1, 2025
ECI response 1024x768 1 e1741738630767

ईव्हीएम छेडछाड अशक्य; राज्यातील या १० विधानसभा मतदार संघात केली तपासणी

ऑगस्ट 1, 2025
सुपर स्पेशालिटी प्राणी रुग्णवाहिकेचे लोकार्पण 2 1024x576 1

आता प्राण्यांच्या सेवेसाठी सुपर स्पेशालिटी रुग्णवाहिका….मंत्री पंकजा मुंडे यांच्या हस्ते लोकार्पण

ऑगस्ट 1, 2025
railway 1

छत्रपती संभाजीनगर ते परभणी रेल्वे मार्गाच्या दुहेरीकरणाला केंद्राची मंजुरी…इतक्या कोटींचा निधी मिळाला

ऑगस्ट 1, 2025
CM

कर्नाटक शासनाने अलमट्टी धरणाची उंची वाढवू नये…मुख्यमंत्री फडणवीस यांनी पत्राद्वारे केंद्रीय मंत्र्याना केली हस्तक्षेपाची विनंती

ऑगस्ट 1, 2025
ADVERTISEMENT
  • About Us
  • Contact us
  • Privacy Policy

© India Darpan Live. 112, Kharbanda Park, Near Dwarka, Dwarka, Nashik, Maharashtra 422011

No Result
View All Result
  • Home
  • मुख्य बातमी
  • महत्त्वाच्या बातम्या
  • संमिश्र वार्ता
  • स्थानिक बातम्या
  • राष्ट्रीय
  • राज्य
  • भविष्य दर्पण
  • मनोरंजन
  • क्राईम डायरी
  • इतर

© India Darpan Live. 112, Kharbanda Park, Near Dwarka, Dwarka, Nashik, Maharashtra 422011