पुणे (इंडिया दर्पण वृत्तसेवा) – भारतीय आयुर्विमा महामंडळ (LIC) ही देशातील सर्वात मोठी विमा कंपनी आहे. ही कंपनी आपल्या ग्राहकांसाठी विविध पॉलिसी आणत असते. एलआयसी पॉलिसीमध्ये गुंतवणूक करून नागरिक किंवा ग्राहक भविष्य सुरक्षित करू शकतात. LIC ची अशीच एक चांगली पॉलिसी म्हणजे जीवन उमंग पॉलिसी होय.
यात गुंतवणूक करून तुम्ही तुमच्या कुटुंबाचे भविष्य सुरक्षित करू शकता. जीवन उमंग पॉलिसी ही एक उत्तम योजना आहे. यात 90 दिवस ते 55 वर्षे वयोगटातील लोक जीवन उमंग पॉलिसी घेऊ शकतात. या पॉलिसी अंतर्गत 100 वर्षांपर्यंत जीवन विमा कवच उपलब्ध आहे. या पॉलिसीच्या मॅच्युरिटीनंतर, तुमच्या खात्यात दरवर्षी ठराविक रक्कम येत राहते. पॉलिसीधारकाचा मृत्यू झाल्यास, त्याच्या किंवा तिच्या नॉमिनीला एकरकमी रक्कम मिळते.
दररोज 44 रुपये
वयाच्या 26 व्या वर्षीही ही विमा पॉलिसी घेतली आणि 4.5 लाख रुपयांच्या विमा संरक्षणासाठी 30 वर्षांसाठी प्रीमियम भरला तर दरमहा 1350 रुपये भरावे लागतील. ही रक्कम दररोज सुमारे 45 रुपये आहे. अशा प्रकारे वर्षभरात तुमचा प्रीमियम 15882 रुपये होईल आणि 30 वर्षांमध्ये तुमचा प्रीमियम 4,76,460 रुपये होईल.
एवढा मिळेल परतावा
अशा प्रकारे, LIC मध्ये 31 व्या वर्षापासून तुमच्या गुंतवणुकीवर परतावा म्हणून दरवर्षी 36 हजार रुपये जमा करण्यास सुरुवात करेल. अशा प्रकारे, जर तुम्ही गुंतवणुकीच्या 31 व्या वर्षापासून ते वयाच्या 100 व्या वर्षापर्यंत दरवर्षी 36 हजार रुपये परतावा घेत असाल तर सुमारे 36 लाख रुपये मिळतील.
करात सूट
या पॉलिसीमध्ये 15, 20, 25 किंवा 30 वर्षांसाठी गुंतवणूक करू शकता. तुमच्या पॉलिसीच्या मॅच्युरिटीनंतर, खात्यात ठराविक रक्कम जमा केली जाईल. जर पॉलिसीधारकाचा अपघाती मृत्यू झाला किंवा तो अपंग झाला तर त्याला UMANG पॉलिसी अंतर्गत टर्म रायडरचा लाभ देखील मिळतो. आयकर कलम 80C अंतर्गत ही पॉलिसी घेतल्यावर कर सूट देखील उपलब्ध आहे. जीवन उमंग पॉलिसी घ्यायची असेल, तर किमान दोन लाख रुपयांचा विमा घ्यावा लागेल.
