सुयश सोनवणे, इंडिया दर्पण वृत्तसेवा
बिबट्याचे वास्तव्य असलेल्या निफाड तालुक्यातील कोळवाडी – शंकर नगर येथील कापसे वस्तीवर पहाटे साडेतीन वाजेच्या दरम्यान बिबट्याने हल्ला करून वासराचा फडशा पाडला. बिबट्या शिकार करत असल्याची सर्व घटना ही सीसीटीव्ही कैद झाली आहे. नागरी वस्तीत आक्रमण करून पाळीव प्राण्यावर हल्ला करण्याची शंकर नगरमधील पहिलीच घटना असल्याने नागरिकांमध्ये भीतीचे वातावरण पसरले आहे. बिबट्याचा शिकारीचा हा व्हिडिओ सोशल मीडियावर व्हायरल होत आहे.
