लासलगाव – सोळा गाव पाणीपुरवठा समितीचे दुरुस्तीच्या कामासाठी यापूर्वी दिनांक ४ जानेवारी २०२२ रोजी शासनाने १७ कोटी ५४ लक्ष निधी मंजूर केला होता. परंतु सदरच्या अंदाजपत्रकातच्या किंमतीत तफावत होत असल्याने सुधारित अंदाजपत्रक मंजुरीसाठी सादर करण्यात आले होते. सदर अंदाजपत्रकास पालकमंत्री छगन भुजबळ यांच्या प्रयत्नातून शासनाने ११ मे रोजी २० कोटी १० लक्ष २५ हजार इतका निधी मंजूर केलेला आहे वाढीव निधी मंजूर केल्या मुळे दुरुस्तीच्या कामास लवकरात लवकर सुरुवात होऊन १६ गावचा व लासलगाव चे नागरिकांचा पाणी प्रश्न कायमचा संपुष्टात येणार आहे अशी माहिती लासलगाव चे सरपंच जयदत्त होळकर यांनी दिली.
लासलगाव विंचूर १६ गाव पाणीपुरवठा समितीचे दुरुस्तीचे सुधारित अंदाजपत्रकास २० कोटी निधी मंजूर: जयदत्त होळकर
