लासलगाव.– कोपरगाव तालुक्यातील हांडेवडी फाटा येथील बकरी विक्रेते अल्लाउददीन शमशुभाई खाटीक (वय ५३ वर्ष) यांच्या धारधार शस्त्राने वार करुन ठार मारल्याची घटना घडली आहे. खाटीक यांचे पाय दोरीने बांधून त्यांच्यावर हा हल्ला करण्यात आला. याप्रकरणात लासलगाव पोलीस स्थानकाने अज्ञात व्यक्ती विरोधात गुन्हा दाखल केला आहे. या घटनेचा पोलिसांनी तपास सुरू केला असून तीन पोलीस पथके रवाना करण्यात आल्याची माहिती अतिरिक्त पोलीस अधीक्षक माधुरी कांगणे यांनी दिली. या घटनेनंतर मयत व्यापारी यांचा मुलगा तोफोक अल्लाउददीन खाटीक यांनी फिर्याद दिली आहे.
