लासलगाव – कोरोनाचे रुग्ण दररीज वाढत असल्याने कोरोना रूग्णांची साखळी तोडण्यासाठी लासलगाव येथे शनिवार रविवार सर्व यावर कडेकोट बंद राहीले. सर तसेच लासलगाव ग्रामपंचायतीचे सरपंच जयदत्त होळकर यांनी १९ ते २५ एप्रिल दरम्यान लासलगाव ही जनता कर्फ्यूची घोषणा केली असून कडक अंमलबजावणी करण्यात येणार आहे असे सांगितले.
लासलगाव ग्रामपंचायतीचे सरपंच जयदत्त होळकर ,उपसरपंच अफजलभाई शेख ,ग्रामविकास अधिकारी शरद पाटील व सर्व ग्रामपंचायत सदस्यांनी नागरीकांना लासलगाव परीसरात कोविड – १९ चा प्रादुर्भाव मोठ्या प्रमाणात वाढत आहे. त्या अनुषंगाने १९ एप्रिल पासुन २५ एप्रिल पर्यंत दवाखाने आणि मेडिकल सोडून इतर संपुर्ण व्यवसाय बंद ठेऊन लासलगाव मध्ये लॉकडाऊन ठेवण्यासाठी सर्वांनी सहकार्य करावे असे आवाहन केले आहे.
वरील तारखेदरम्यान फक्त आत्यवश्यक सेवाच चालु राहतील. दवाखाने, मेडिकल या व्यतीरीक्त सर्व दुकाने, भाजीपाला हे बंद ठेऊन सहकार्य करावे व कोरोनाची साखळी तोडण्यासाठी व गावाच्या सुरक्षेतेच्या कारणास्तव हा निर्णय घेण्यात येत आहे.तसेच या दरम्यान बाहेर कोणीही ररस्त्यावर विनाकारण फिरू नये. असे जाहीर आवाहन कोरोना नियंत्रण समिती व सरपंच जयदत्त होळकर यांनी केले आहे.
लासलगाव येथे वरील जनता कर्फ्यू दरम्यान नागरीकांनी बाहेर पडू नये व कोरोनाची साखळी तोडण्यास व गावाच्या सुरक्षेतेसाठी सहकार्य करावे असे आवाहन लासलगावचे सहाय्यक पोलिस निरीक्षक राहुल वाघ यांनी करून विनाकारण फिरताना आढळताच दंडात्मक कारवाई तसेच गुन्हा दाखल करण्यात येईल असा इशारा दिला आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
