इंडिया दर्पण ऑनलाईन डेस्क
मुख्यमंत्री माझी लाडकी बहीण योजनेतील सर्व पात्र लाभार्थ्यांना मे महिन्याचा सन्मान निधी वितरित करण्याची तांत्रिक प्रक्रिया सुरू करण्यात आली आहे. योजनेच्या सर्व पात्र लाभार्थ्यांच्या आधार लिंकड् बँक खात्यात आजपासून हा सन्मान निधी जमा होत असल्याची माहिती महिला आणि बालविकास मंत्री आदिती तटकरे यांनी दिली.
गेल्यावर्षी जुलै २०२४ रोजी ही योजना सुरु झाली. या योजनेअंतर्गत आतापर्यंत १० हप्त्याप्रमाणे १५००० रुपये महिलांच्या खात्यात अगोदर जमा झाले. आता त्यात पुन्हा १५०० रुपयांची भर पडणार आहे. एप्रिल महिन्याचा हप्ता गुढीपाडव्यापासून देण्यात आला होता. त्यामुळे मे महिन्याचा हप्ता मे महिन्याच्या शेवटच्या दिवशी मिळेल अशी अपेक्षा होती. मात्र, मे महिना उलटला तरी हप्ता जमा झाला नाही. त्यामुळे महिलांची चिंता वाढली होती.
आदिती तटकेर यांनी सांगितले की, महायुती सरकारचा दृढ निश्चय, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजितदादा पवार यांचे सातत्यपूर्ण मार्गदर्शन व महाराष्ट्रातील लाडक्या बहिणींचा दृढ विश्वास या बळावर मुख्यमंत्री माझी लाडकी बहीण योजनेची दमदार वाटचाल यापुढेही अशीच सुरू राहणार हा मला विश्वास आहे.
