कुमकुम भाग्य फेम नैना सिंग म्हणते, “बिग बॉसमुळे माझ्या जिवनात येताय अनेक समस्या”

सिद्धी दाभाडे, इंडिया दर्पण वृत्तसेवा
कुमकुम भाग्य या मालिकेने नैना सिंगला घरोघरी ओळख मिळाली. या शोनंतर ती बिग बॉस 14 मध्ये दिसली. आता अलीकडेच मीडिया चॅनलशी एका खास संवादात नैना सिंहने कुमकुम भाग्य आणि बिग बॉसमधील तिच्या प्रवासाबद्दल सांगितले. नयना सिंग, एक लोकप्रिय टेलिव्हिजन अभिनेत्री आणि अनेक रिअॅलिटी शोचा एक भाग राहिली आहे, तिने 2019 ते 2020 या कालावधीत एकता कपूरच्या नंबर वन शो ‘कुमकुम भाग्य’ मध्ये अभिषेक मेहराची मुलगी रिया मेहरा ही भूमिका साकारली होती. कुमकुम भाग्य व्यतिरिक्त नयना सिंह बिग बॉस 14 मध्ये देखील दिसली होती. मात्र, या दोन्ही शोचा भाग असल्याबद्दल तिने दुःख व्यक्त केले. नयना सिंहने प्रसारमाध्यमांशी खास संवाद साधत आपली व्यथा मांडली आहे. तिने सांगितले की कुमकुम भाग्य सोडल्यानंतर तिला खूप समस्यांना सामोरे जावे लागले आणि काम मिळणे खूप कठीण होते.कुमकुम भाग्य नंतर कोणतेही मोठे काम मिळाले नाही.

टाईम्स ऑफ इंडियाला दिलेल्या मुलाखतीत नयना सिंगने आपल्या कामाबद्दल उघडपणे सांगितले. नैना म्हणाली, ‘मी काहीही बोलायला किंवा करायला घाबरत नाही. मला याबद्दल लोकांनी अनेकदा सांगितले आहे की मी माझे तोंड बंद ठेवावे आणि थोडे शांत असले पाहिजे, परंतु मला ते समजले नाही. कुमकुम भाग्य सोडल्यानंतर नैना सिंह आणि निर्मात्यामध्ये काही मतभेद झाले होते, त्यानंतर नैना सिंहने निर्मात्यांवर अनेक दावे केले आहेत. नयना सिंग म्हणते की, जेव्हा ती शो सोडत होती तेव्हा निर्मात्यांनी तिला सांगितले होते की ते हे सुनिश्चित करतील की तिला कुठेही काम मिळणार नाही. नैनाने तिच्या मुलाखतीत असेही सांगितले की, शो सोडल्यानंतर तिला तीन वेब सिरीज मिळाल्या, पण तिघीही तिच्या हातातून गेल्या.

नयना सिंहने बिग बॉस 14 मध्ये सहभागी होण्याबद्दल देखील सांगितले आणि बिग बॉस 14 चा भाग बनून तिला कसे वाटले ते सांगितले. नैना म्हणाली, ‘बिग बॉसनंतर माझे आयुष्य खूप गुंतागुंतीचे होते. कुमकुम भाग्य सोडल्याचा मला कोणताही पश्चाताप नाही, पण बिग बॉसचा एक भाग असल्याबद्दल मला खंत आहे. कारण त्यावेळी अनेकांनी मला सांगितले की, तिने बिग बॉस केले आहे आणि आम्हाला आमच्या शोमध्ये ती नको आहे. बिग बॉसचा भाग झाल्यानंतर माझ्यासाठी गोष्टी खूप वाईट झाल्या. नयना सिंहने 2017 मध्ये एमटीव्हीच्या रिअॅलिटी शो ‘स्प्लिट्सविला सीझन 10’मधून तिच्या करिअरची सुरुवात केली. बसीर बॉबसोबत तिने हा शो जिंकला. त्यानंतर नैनाने इंडियाज नेक्स्ट सुपरस्टारमध्ये भाग घेतला, ज्यामध्ये ती उपविजेती ठरली. यानंतर नैनाने एकता कपूरच्या कुमकुम भाग्य या शोमध्ये काम केले आणि याशिवाय ती बिग बॉसच्या 14 व्या सीझनमध्येही दिसली.