मुंबई (इंडिया दर्पण वृत्तसेवा) – गर्भलिंगदान करणे कायद्याने गु्न्हा असतानाही वारंवार अशा घटना घडत असतात. कोल्हापूरात असाच प्रकार पुढे आला असून गर्भलिंगदान करणाऱ्या एका केंद्रावर कारवाई करण्यात आली आहे.
मुलगा होणार की मुलगी हे जाणून घेण्यासाठी गर्भलिंगदान करणाऱ्यांची संख्या अजुनही कमी नाही. अनेक जण बेकायदेशीररित्या हा प्रकार करत असतात. शहरात तसेच ग्रामीण भागात अशा स्वरूपाचे घटना नियमितपणे होत असतात. अशात कोल्हापूर येथील एका केंद्रावर कारवाई झाली आहे. या प्रकारामुळे पुन्हा एकदा गर्भलिंगदान करणाऱ्या डॉक्टरांचे धाबे दणाणले आहे. राजारामपुरी परिसरातील श्री हॉस्पिटलवर मनपाच्या आरोग्य विभागाने छापा टाकून १५ हजार रुपये घेताना रंगेहाथ पकडण्यात आले.
पाच महिन्यांपूर्वी मोठे रॅकेट कोल्हापूर पोलिसांनी गर्भ निदान चाचणीचे रॅकेट उघडकीस आणले होते. त्यानंतर मनपा हद्दीत आरोग्य विभागाकडून कारवाई करण्यात आली आहे. गर्भलिंग निदान चाचणी होत असल्याची खात्रीशीर कारवाई मिळाल्यानंतर ही कारवाई करण्यात आली. आरोग्य विभागाने छापा टाकला असता श्री हॉस्पिटलमध्ये व्यवस्थापकाला १५ हजार रुपये घेताना रंगेहाथ पकडण्यात आले.
गर्भलिंग निदान चाचणी प्रतिबंधक कायद्यान्वये संबंधितांवर कारवाई केली जाणार असल्याचे मनपा आरोग्य विभागाचे डॉ. रमेश जाधव यांनी म्हटले आहे. सामाजिक कार्यकर्त्या गीता हसुरकर यांनी एका पेशंटच्या बहिण म्हणून हाॅस्पिटलमध्ये येत स्टिंग ऑपरेशन केलं. त्यांना अंकिता आणि दिग्विजय कालेकर या दाम्पत्याची साथ मिळाली. त्यामुळे शहरातील आणखी एका रुग्णालयाचा भांडाफोड झाला आहे.
विविध ठिकाणी होतेय कारवाई
कोल्हापूरातील या प्रकरणासोबतच काही दिवसांपूर्वी राधानगरी भुदरगड तालुक्यात गर्भलिंग निदान करणाऱ्या रॅकेटचा पदार्फाश राधानगरी पोलिसांनी या वर्षाच्या सुरुवातीला केला होता. या प्रकरणाचा अजूनही तपास सुरु आहे. एक महिन्यापूर्वी चार फरार आरोपींपैकी दोन आरोपींना पोलिसांनी अटक केली होती. ते सध्या पोलीस कोठडीत आहेत. या प्रकरणात आतापर्यंत १७ जणांना अटक झाली आहे. जिल्ह्यात गर्भलिंग चाचणी करणारे रॅकेट उघडकीस आल्यानंतर त्यांच्यावर अटकेची कारवाई करण्यात आली आहे. या प्रकरणातील अजूनही दोन आरोपी फरार आहेत.
Kolhapur Sex Determination Centre Police
