पिंपळगाव बसवंत: निफाड तालुक्यातील कुंभारी गावात मायबोली सहकारी संस्था यांच्या विद्यमाने आयोजित मोफत आरोग्य शिबिरास १७१ महिलांनी सहभाग नोंदवत प्रतिसाद दिला. आरोग्य शिबिराचे उदघाटन निफाड पंचायत समितीच्या सभापती तथा शिवसेना महिला आघाडीच्या तालुकाप्रमुख सुलभा पवार यांच्या हस्ते पार पडले. कुंभारी ग्रामपंचायतीत आयोजित आरोग्य शिबिरात थायरॉईड तपासणी, आणि रक्तातील प्रमाण तपासणी, रक्तातील साखर तपासणी, आदिंसह एचआयव्हीच्या मोफत तपासण्या करण्यात आल्या. शिबिरात १७१महिलांनी उस्फुर्त सहभाग नोंदवीत तपासण्या केल्या. यावेळी डॉ. माधुरी भांबरे, ज्योती भोर, मनिषा झेटे, प्रिती नाईक, ललीता शेजवळ, आदिंसह महिला उपस्थित होत्या.
