मुंबई (इंडिया दर्पण वृत्तसेवा) – यशस्वी लेखक, जाहिरातकार, कलाकार आणि आता युट्युबवर कुणाल विजयकर यांच्या ‘खाने मे क्या है’ या शोमध्ये मनसे अध्यक्ष राज ठाकरे यांनी हजेरी लावली. या शोमध्ये जे.जे आर्टमध्ये शिक्षण घेत असतांनाच्या आठवणींना उजाळा दिला. यावेळेस ते म्हणाले की, कुणाल विजयकर हा माझा वर्ग मित्र आहे. विशेष म्हणजे मी एकदा वर्ग प्रतिनिधी (सीए) ची निवडणूक लढवली होती. त्यावेळेस कुणाल हा माझा प्रतिस्पर्धी होता. त्यात मी विजयी झालो होतो.
यावेळी ते म्हणाले की. कुणाल विजयकर हा माझा जे.जे. आर्ट्स च्या काळापासूनचा मित्र. कुणाल हा कुणालचं मनापासून खाण्यावर प्रेम आहे, त्यामुळे त्याचा हा शो हा खूप सहज होतो. तसंच कुणालकडे छान सहज गप्पा मारण्याची पण कला आहे, जी हल्ली कमी होत चालली आहे असं वाटतं. असो, तर माझ्या या मित्राने ‘खाने में क्या है’ या त्याच्या युट्युब शोमध्ये मला बोलावलं होतं. खूप काळाने गप्पातून रंगत गेलेला इंटरव्ह्यू झाला, त्या शोची युट्युब लिंक इथे जोडत आहे. जरूर पहा..
