भोपाळ – पूरेशा संसाधनाअभावी विद्यार्थी शाळेत पोहोचू शकत नाही अशा विद्यार्थिनींकरिता बस खरेदी करण्यासाठी KBC मध्ये जिंकलेली २५ लाख रुपयांची रक्कम देणार असल्याचे डॉ उषा खरे यांनी सांगितले.
लोकप्रिय शो कौन बनेगा करोडपती (KBC २०२०) या कार्यक्रमाच्या कर्मवीर भागात शहरी भागातील सरकारी शाळेच्या मुख्याध्यापिका डॉ. उषा खरे या आभिनेता अमिताभ बच्चन यांच्यासमोर हॉट सीटवर विविध प्रश्नांची उत्तरे देताना दिसल्या. या शोमध्ये त्यांनी त्यांच्या जोडीदारासह एकूण ५० लाख रुपये जिंकले. त्यांना आणि त्यांचे साथीदार रणजितसिंग डिस्ले यांना प्रत्येकी २५ लाख रुपये मिळाले. वाहनाची सोय नसल्यामुळे शाळेत पोहोचू शकत नाहीत, अशा मुली व विद्यार्थ्यांसाठी बस खरेदी करण्यासाठी ही रक्कम देणार असल्याचे डॉ. उषा खरे यांनी सांगितले. कर्मवीर भागांमध्ये एखाद्या विशिष्ट क्षेत्रात योगदान देणार्‍या व्यक्तींचा सहभाग असतो. भोपाळमधील सरकारी कन्या शाळेच्या प्राचार्य डॉ. उषा खरे यांची शिक्षण क्षेत्रात विशेष योगदानासाठी निवड झाली. त्यांनी सांगितले की, आम्ही मुंबईला पोहोचलो, तेव्हा समवेत ग्लोबार शिक्षक पुरस्कार रणजितसिंग डिसिल आणि सेलिब्रिटी अतिथी बोमन इराणी देखील होते.
यापूर्वीही अनेक सन्मान प्राप्त झाले आहेत, विशेष म्हणजे डॉ. खरे यांना राष्ट्रीय शिक्षक पुरस्कारही प्राप्त झाला आहे. याशिवाय राज्यस्तरीय शिक्षकांनाही पुरस्कार देण्यात आला आहे. त्यांनी जहांगीराबादमधील सरकारी शाळा हाय-टेकच्या प्रकारात आणली आहे. या शाळेत विद्यार्थी टॅब्लेटद्वारे अभ्यास करतात. इंग्लिश मीडियम स्कूलची सुरुवात २०१४ मध्ये झाली. सध्या या शाळेत सुमारे १२०० विद्यार्थी शिक्षण घेत आहेत.
