इंडिया दर्पण वृत्तसेवा
प्रसिध्द अभिनेता भाऊ कदम यांनी अजित पवारांची त्यांच्या देवगिरी बंगल्यावर जाऊन त्यांची भेट घेतली. या भेटीनंतर भाऊ कदम यांनी लाडकी बहीण योजनेचे कौतुक केले आहे. अजितदादांच्या पक्षाचा प्रचार करायला मला आवडेल, एकच दादा अजित दादा आहेत, त्यामुळे त्यांच्या पक्षाचा स्टार प्रचारक व्हायला मला आवडेल. त्यांनी लाडकी बहीण योजना आणली आहे, आणि त्यांनी आमचे कलाकारांचे अनेक प्रश्न सोडवले आहेत, असे भाऊ कदम यांनी सांगितले. त्यामुळे भाऊ कदम हे राष्ट्रवादीचा प्रचार करणार असल्याची चर्चा रंगली.
दरम्यान भाऊ कदम यांच्या भेटीनंतर अजित पवार यांनी देखील ट्विटरवर याबाबत माहिती दिली आहे. ‘आज प्रसिद्ध मराठी अभिनेते श्री. भाऊ कदम यांनी माझी सदिच्छा भेट घेतली. यावेळी खा. सुनील तटकरे, सिध्दार्थ कांबळे आणि त्यांचे इतर सहकारी उपस्थित होते.
