नवी दिल्ली – कर्नाटकमध्ये अश्लील सीडी प्रकरणातील संबंधित महिलेचं अपहरण झाल्याचा दावा पीडित महिलेच्या आई-वडिलांनी केला आहे. पीडितेच्या आई-वडिलांनी बेळगाव पोलिस ठाण्यात तिचं अपहरण झाल्याची तक्रार दाखल केली आहे. तसंच आपला जीव धोक्यात असल्याची माहितीही त्यांनी पोलिसांत दिली आहे. २ मार्चला पीडितेचं अपहरण झाल्याचा दावा पालकांनी केला आहे.
एका हिंदी वेबसाईटनं याबाबतचे वृत्त दिलं आहे. दोन मार्चला संबंधित अश्लील सीडी उघडकीस आली होती. त्याच दिवशी आपण मुलीशी शेवटचं बोललो होतो, असा दावा पीडितेच्या वडिलांनी केला आहे. संबंधित व्हिडिओमध्ये दिसणारी महिला माझी मुलगी नाही. माझ्या मुलीसारखीच दिसणार्या महिलेचा वापर केला आहे. याचा खुलासा स्वतः पीडित मुलीनं आपल्या आईकडे केल्याचा दावाही तिच्या वडिलांनी केला आहे. पीडितेच्या आई-वडिलांनी एक व्हिडिओ जारी केला असून, त्यामध्ये आपला जीव धोक्यात असल्याचं म्हटलं आहे.
काय आहे प्रकरण?
अश्लील सीडी प्रकरणावरून कर्नाटकमध्ये खळबळ उडाली. या सीडी प्रकरणात कर्नाटमधील भाजप सरकारमधील जलसंधारणमंत्री रमेश जारकीहोळी यांच्याविरुद्ध तक्रार दाखल करण्यात आली. या सीडीमध्ये रमेश जारकीहोळी कथितरित्या एका तरुणीसोबत दिसत आहेत. मात्र हे राजकीय षडयंत्र असल्याचं रमेश जारकीहोळी यांनी म्हटलं आहे. हे प्रकरण त्यांना भोवलं असून त्यांनी आपल्या पदाचा राजीनामा दिला आहे. नागरी हक्क संघर्ष समितीचे अध्यक्ष दिनेश कलहळ्ळी यांनी हे प्रकरण मीडियासमोर आणलं आहे. मंत्री रमेश जारकीहोळी यांनी नोकरीचं आमिष दाखवून तरुणीवर अत्याचार केल्याचा आरोप दिनेश कलहाळ्ळी यांनी केला आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
