पुणे – नॉर्दर्न कोलफिल्ड्स लिमिटेडने विविध पदांच्या भरतीसाठी अधिसूचना जारी केली आहे. त्यानुसार वेल्डर, इलेक्ट्रिशियन, फिटर आणि मोटर मेकॅनिक या पदांवर ही भरती होणार आहे. या भरती मोहिमेअंतर्गत एकूण 1295 पदांची भरती करण्यात येणार आहे.
मध्य प्रदेश आणि उत्तर प्रदेशमधील विविध युनिट्ससाठी ही भरती करण्यात येत आहे. या भरती प्रक्रियेद्वारे उमेदवारांना एका वर्षासाठी नियुक्त केले जाईल. त्यामुळे इच्छुक आणि पात्र उमेदवार, ज्यांनी ITI परीक्षा उत्तीर्ण केली आहे, ते NCL शिकाऊ भरतीसाठी अर्ज करू शकतात. तसेच अर्ज करण्यासाठी अर्जदार अधिकृत वेबसाइट apprenticeshipindia.org वर ऑनलाइन अर्ज करू शकतात.
कोलफिल्ड्समध्ये तंत्रज्ञ आणि पर्यवेक्षक ,वेल्डर, फिटर, इलेक्ट्रिशियन , मोटर मेकॅनिक या पदांसाठी अर्ज सादर करण्याची अंतिम तारीख 20 डिसेंबर 2021 आहे. अर्ज करण्याच्या शेवटच्या तारखेनंतर कोणताही अर्ज स्वीकारला जाणार नाही याची उमेदवारांनी नोंद घ्यावी. त्याच वेळी, या पदांसाठी अर्ज करणाऱ्या उमेदवारांचे वय 16 ते 24 वर्षांच्या दरम्यान असावे.
वेल्डर, इलेक्ट्रिशियन आणि इतर पदांसाठी अर्ज करणार्या उमेदवारांना प्रथम अप्रेंटिसशिप पोर्टल म्हणजेच apprenticeshipindia.org ला भेट द्यावी लागेल. त्यानंतर अर्जदारांनी शिकाऊ उमेदवारांची प्रोफाइल पूर्ण करून आणि कागदपत्रे अपलोड करून शिकाऊ उमेदवार पोर्टलवर नोंदणी करणे आवश्यक आहे. नोंदणी क्रमांक नोंदवा. त्यानंतर नॉर्दर्न कोलफिल्ड्स लिमिटेड (आस्थापना नोंदणी क्रमांक E01162300007) शोधून शिकाऊ प्रशिक्षण पोर्टलवर शिकाऊ प्रशिक्षणासाठी अर्ज करावा, वेल्डर, फिटर आणि इतर पदांसाठी अर्ज करणाऱ्या उमेदवारांची निवड ITI च्या सर्व सेमिस्टरमध्ये मिळालेल्या गुणांच्या आधारे केली जाईल. त्याच वेळी, या भरती प्रक्रियेशी संबंधित अधिक माहितीसाठी, उमेदवारांना अधिकृत वेबसाइटला भेट द्यावी, असे आवाहन करण्यात आले आहे.
