इंडिया दर्पण ऑनलाईन डेस्क
राष्ट्रवादी काँग्रेस शरद पवार पक्षाच्या गटनेता म्हणून जितेंद्र आव्हाड यांच्या नावाची घोषणा करण्यात आली आहे. तर दिवंगत आर.आर. पाटील यांचे सुपुत्र रोहित पाटील यांना मुख्य प्रतोदपदी संधी देण्यात आली आहे. आमदार उत्तम जानकर यांना देखील प्रतोदपदी कार्यभार देण्यात आला आहे.
राष्ट्रवादी काँग्रेसच्या शरद पवार गटाच्या नवनिर्वाचित आमदारांची आज मुंबईत बैठक संपन्न झाली. त्यात ही घोषणा करण्यात आली. आजच्या बैठकीला निवडून आलेले १० पैकी ९ आमदार उपस्थितीत होते. बीडचे आमदार संदीप क्षीरसागर उपस्थित नव्हते.
गटनेतेपदी निवड झालेले जितेंद्र आव्हाड हे कळवा- मुंब्रा विधानसभा मतदार संघातून निवडून आले आहे. तर रोहित पाटील हे तासगाव विधानसभा मतदार संघातून तर महादेव जानकर हे माळशिरस विधानसभा मतदार संघातून आमदार झाले आहे.
