मुंबई (इंडिया दर्पण वृत्तसेवा) – मनसे नेते संदीप देशपांडे यांनी राष्ट्रवादीचे नेते आणि माजी मंत्री जितेंद्र आव्हाड यांची एक ऑडिओ क्लिप व्हायरल केली असून त्यात ते मल्लिकार्जुन पुजारी यांच्याशी संवाद साधताना दिसत आहेत. ही ऑडिओ क्लिप ४ वर्षांपूर्वीची असल्याचे बोललं जात आहे.
या क्लिपमध्ये जाऊ दे, मरु दे तिला, तू कशाला बदनाम होतो? असा संवाद यात पाहायला मिळत आहे. या संवादावरुन देशपांडे यांनी आव्हाडांवर टीका केली आहे. महिला सुरक्षेच्या नावावर राजकारण करणा-या ह्या राजकारण्यांचे महिलाबद्दल मत बघा असे देशपांडे यांनी सांगत त्यांच्या अधिकृत ट्वीटरवरुन एक ट्वीट केले आहे. तर बघा नेमका संवाद काय आहे….
