मुंबई (इंडिया दर्पण वृत्तसेवा) – विधानसभा निवडणुकीत आरोप – प्रत्यारोपाला जोरदार सुरुवात झाली आहे. एकमेकांवर आरोप करत असतांना आता पातळी सुध्दा सोडली जात आहे. आता ऱाष्ट्रवादी शरद पवार गटाचे नेते जितेंद्र आव्हाड यांनी थेट अजित पवार यांची टोळी पाकीटमारांची असल्याचा आरोप केला आहे. अजित पवार यांनी धक्के मारुन शरद पवारांना बाहेर काढले आणि चिन्ह पण चोरले असेही ते म्हणाले.
ठाण्यातील मुंब्रा येथील चंदननगरमध्ये आयोजित सभेत बोलतांना त्यांनी महायुती सरकार आणि अजित पवार यांच्या राष्ट्रवादी गटावर निशाणा साधत जोरदार टीका केली. राष्ट्रवादी काँग्रेस हा मूळ पक्ष शरद पवार यांचा होता. त्यांच्याकडून घड्याळ हिसकावून घेतली. अजित पवार ही पाकीटमारांची टोळी आहे.
अजित पवारांमध्ये हिमंत असेल तर त्यांनी नवं चिन्ह घेऊन निवडणूक लढवावी असेही ते म्हणाले. शरद पवार यांना कॅन्सर असून देखील राज्यात बदल घडविण्यासाठी फिरत असल्याचे देखील आव्हाड यांनी म्हटले. ते मोदी आणि शहा यांच्या बरोबर गेले नाहीत. त्यांनी सांगितले होते की या युवांमधून शरद पवार तयार करेल यालाच हिम्मत म्हणतात असेही त्यांनी सांगितले.
