मुंबई – दिवाळी सणानिमित्त स्वतःसाठी किंवा इतरांना भेट देण्यासाठी आपण रिलायन्स जिओच्या नवीन स्मार्टफोनची वाट पाहत असाल. तर या ग्राहकांसाठी एक आनंदाची बातमी आहे. कारण Jio आणि Google ने आज घोषणा केली की JioPhone Next स्मार्टफोन दिवाळीपासून बाजारात उपलब्ध होईल. कंपनी म्हणते की, JioPhone Next हा जगातील सर्वात परवडणारा स्मार्टफोन असेल, कारण Jio चा नवीन स्मार्टफोन केवळ 1,999 रुपयांच्या किंमतीवर उपलब्ध असेल. उर्वरित रक्कम ग्राहकांना 18 ते 24 महिन्यांत सुलभ ईएमआयमध्ये भरावी लागेल.
फायनान्स करायचे नसेल तर ग्राहक JioPhone Next 6499 रुपयांना खरेदी करू शकतात. तसेच कंपनीचे म्हणणे आहे की, या श्रेणीतील कोणत्याही उपकरणासाठी प्रथमच असा अनोखा वित्तपुरवठा पर्याय सादर केला जात आहे, ज्यामुळे ते अधिकाधिक ग्राहकांना उपलब्ध होईल. अद्वितीय वैशिष्ट्याने युक्त JioPhone Next रिलायन्स रिटेलच्या देशभरातील JioMart डिजिटल रिटेल स्थानांच्या विस्तृत नेटवर्कवर उपलब्ध असेल. तसेच व्हॉट्सअॅप द्वारेही फोन बुक करू शकता. JioPhone नेक्स्ट कुठे आणि कसा मिळवायचा, येथे सर्वकाही जाणून घ्या…
JioPhone बुक करण्यासाठीचे टप्पे
1 ) जवळच्या Jio Mart डिजिटल रिटेलरला भेट द्या किंवा www.jio.com/next ला भेट द्या किंवा WhatsApp वर – 7018270182 वर ‘HI’ पाठवा.
2 ) खात्री पटल्यावर किंवा पुरावा मिळाल्यावर, तुमच्या जवळच्या Jiomart रिटेलरला भेट देऊन तुमचे डिव्हाइस गोळा करा.
3 ) असे आहेत फिचर्स – JioPhone Next मध्ये 5.45-इंच मल्टीटच HD + (720X1440) पिक्सेल रिझोल्यूशन डिस्प्ले मिळेल. डिस्प्लेची खासियत म्हणजे याला कॉर्निंग गोरिल्ला ग्लास 3 चे संरक्षण तसेच अँटीफिंगरप्रिंट कोटिंग मिळेल, फोनवर फिंगरप्रिंट्स राहणार नाहीत.
4 ) फोन QM-215, 1.3 Ghz पर्यंत क्वाड कोर प्रोसेसरद्वारे समर्थित असेल, जो 2GB RAM आणि 32GB इनबिल्ट स्टोरेजसह जोडलेला आहे. स्टोरेज 512 GB पर्यंत वाढवता येते. फोटोग्राफीसाठी, सेल्फी आणि व्हिडिओ कॉलसाठी फोनच्या समोर 8-मेगापिक्सेल कॅमेरा उपलब्ध असेल, तर 13-मेगापिक्सेलचा एक कॅमेरा बॅक पॅनलवर उपलब्ध असेल.
5 ) या फोनमध्ये 3500 mAh बॅटरी आहे. कनेक्टिव्हिटीसाठी फोनला वाय-फाय, ब्लूटूथ, मायक्रो यूएसबी आणि ऑडिओ जॅक मिळेल. तसेच फोनमध्ये एक्सेलेरोमीटर, लाईट सेन्सर आणि प्रॉक्सिमिटी सेन्सर देखील उपलब्ध असतील.
