नागपूर – टेलिकॉम रेग्युलेटरी अथॉरिटी ऑफ इंडिया (TRAI) द्वारा मार्च 2025 मध्ये आयोजित स्वतंत्र ड्राइव्ह टेस्ट (IDT) नुसार, रिलायन्स जिओने नागपूर शहरात 5G डाउनलोड व अपलोड स्पीडच्या बाबतीत सर्व प्रतिस्पर्धी कंपन्यांना मागे टाकत अव्वल स्थान पटकावले आहे. ट्रायच्या आकडेवारीनुसार, रिलायन्स जिओने नागपूरमध्ये सरासरी 255.22 Mbps डाउनलोड स्पीड प्रदान केला, जो सर्व टेलिकॉम ऑपरेटरांमध्ये सर्वोच्च आहे.
अपलोड स्पीडच्या बाबतीतही जिओने 33.24 Mbps स्पीडसह इतर स्पर्धक कंपन्यांपेक्षा दुप्पट कामगिरी केली आहे. जिओची नेटवर्क लेटंसी अत्यंत कमी आहे, जी व्हिडिओ कॉल, व्हर्च्युअल मिटिंग्ज व ऑनलाइन गेमिंगसारख्या रिअल-टाईम अ‍ॅप्लिकेशन्ससाठी अत्यंत उपयुक्त ठरते.
कॉल सेटअप यशस्वी दर, जलद कॉल कनेक्शन वेळ, नगण्य कॉल ड्रॉप्स आणि उच्च दर्जाची व्हॉईस स्पष्टता अशा सर्व बाबतीतही जिओने उत्कृष्ट कामगिरी केली आहे.
स्वतंत्र ड्राइव्ह टेस्ट नागपूरसह मुंबई, अंबाला, चेन्नई, श्रीनगर, प्रयागराज आणि इंदूर या शहरांमध्ये करण्यात आली होती. नागपूरमध्ये ही चाचणी 4 मार्च 2025 ते 7 मार्च 2025 दरम्यान, शहरातील सर्व प्रमुख भाग, निवासी क्षेत्रे, रहदारीने भरलेल्या रस्त्यांवर आणि पादचारी क्षेत्रांमध्ये घेण्यात आली होती. जिओच्या घनदाट व नीटनेटकी नेटवर्क संरचनेमुळे या सर्व क्षेत्रांमध्ये उत्कृष्ट कामगिरी साकारली गेली.
बफर-रहित स्ट्रीमिंग, एचडी व्हॉईस कॉल्स आणि रिअल-टाईम डाउनलोड्ससाठी रिलायन्स जिओ ही नागपूरमधील मोबाईल वापरकर्त्यांची पहिली पसंती ठरत आहे. आपल्या भविष्याभिमुख पायाभूत सुविधांमुळे आणि ग्राहककेंद्रित नवकल्पनांमुळे जिओ केवळ भारताच्या डिजिटल महत्त्वाकांक्षांशी समांतर वाटचाल करत नाही, तर त्यांना पुढे नेण्याचे कार्यही करत आहे.
