नाशिक – नाशिक जिल्हा मध्यवर्ती सहकारी बँकेने थकबाकीदारांचे ३६८ वाहन, ट्रक्टर जप्त केलेले आहेत. या जप्त केलेल्या १९४ ट्रक्टर, इतर वाहन यांची शासन मान्यता प्राप्त मुल्यांकनकार यांच्याकडून मूल्यांकन प्राप्त आहे. या वाहनाचे ४ फेब्रुवारी पासून टप्प्याटप्प्याने जाहीर लिलाव करण्यात ये आहेत. आता उर्वरीत वाहन व ट्रक्टर लिलाव १३ एप्रिल पासून पुन्हा सुरु करण्यात आला आहे. या १३ एप्रिल रोजी ३० वाहन / ट्रक्टरचा लिलाव आदिवासी सास्कृति भवन, शिवाजी नगर, दिंडोरी येथे तर ३२ वाहन / ट्रक्टरचा लिलाव शुभेच्छा लान्स दिंडोरी रोड, म्हसरूळ नाशिक येथे ठेवण्यात आल्याचे बँकेतर्फे सांगण्यात आले.
जिल्ह्यातील मोठे व प्रभावशाली असलेले तसेच हेतुपुरस्कर कर्ज परतफेड न करणारे थकबाकीदारांचे महाराष्ट्र सहकारी संस्था अधिनियम १९६० चे कलम १५६ व महाराष्ट्र सहकारी संस्थांचे नियम १९६१ चे नियम १०१ नुसार कारवाई करून मोठे व प्रभावशाली असलेले तसेच हेतुपुरस्कर कर्ज परतफेड न करणारे थकबाकीदारांवर थकबाकीची कर्ज वसुलीसाठी कार्यवाही सुरु केली आहे. त्यानुसार बँकेने जिल्ह्यातील व तालुक्यातील मोठे व प्रभावशाली असलेले तसेच हेतुपुरस्कर कर्ज परतफेड न करणारे वारंवार थकीत कर्ज भरण्यासाठी सहकारी संस्था अधीनियम १९६० अन्वये योग्य त्या कर्ज मागणी नोटीसा देऊनही व वारंवार सौजन्याने तगादे करूनही थकीत कर्ज रक्कमेचा बँकेकडे भरणा केला नाही. अशा २०१६ पूर्वीच्या मोठे व प्रभावशाली असलेले तसेच हेतुपुरस्कर कर्ज परतफेड न करणारे थकबाकीदार सभासदांच्या तालुकानिहाय याद्या तयार करून अशा थकबाकीदार सभासदांचे बँकेस प्राप्त महाराष्ट्र सहकारी संस्था अधिनियम १९६० चे कलम १५६ व महाराष्ट्र सहकारी संस्थांचे नियम १९६१ चे नियम १०१नुसार थकीत कर्ज रकमेसाठी वसुलीची कार्यवाही सुरु केली आहे. त्यात आता जप्त केलेल्या वाहनांचा लिलाव केला जात आहे.
कटू कायदेशीर कारवाई टाळा बँकेचे आवाहन
जिह्यातील थकबाकीदार सभासदांनी कटू कायदेशीर कारवाई टाळून आपला थकबाकीचा भरणा लवकरात लवकर करून बँकेस सहकार्य करावे त्याचप्रमाणे सर्व प्रकारची जुनी थकबाकी वसुलीसाठी बँकेने नवीन सामोपचार कर्ज परतफेड योजना २०२० जाहीर केली आहे. या योजनेस ३०.०४.२०२२ पावेतो मुदतवाढ देण्यात आलेली असून सदर योजनेत थकबाकीदारांसाठी भरघोस सवलत देऊ केलेली असल्याने जास्तीत जास्त थकबाकीदारांनी सदर योजनेचा लाभ घेऊन बँकेस सहकार्य करण्याचे आवाहन बँकेच्यावतीने करण्यात आले आहे. खालील तक्त्यात नमूद केल्याप्रमाणे दिनांक ३०.जून २०१६ अखेर थकबाकीत असलेल्या सभासदांकरीता आकर्षक सामोपचार योजना जाहीर केली असून जास्तीत जास्त पात्र थकबाकीदारांनी सदर योजनेत भाग घेण्यासाठी आपल्या संबधीत शाखेत संपर्क करून सामोपचार कर्ज परतफेड योजनाची माहिती घेऊन कर्जमुक्त होणेबाबत बँकेने आवाहन केले आहे.
सामोपचार कर्ज परतफेड योजना २०२०
दिनांक ३० जून २०१६ अखेरीस विविध कार्यकारी संस्था पातळीवर थकीत असलेले सर्व प्रकारचे शेती व शेती पूरक ( अल्पमुदत,मध्यम मुदत, दीर्घमुदत ) संपूर्ण येणे कर्ज व बँकेमार्फत वितरीत केलेल्या थेट कर्ज पुरवठा योजनेंअंतर्गत थकीत झालेले सर्व थकबाकीदार सभासद या योजनेस पात्र राहतील. कर्जदाराकडील थकीत कर्जाची थकबाकी झाल्यापासून पुढे होणाऱ्या एकूण व्याज रकमेवर खालील तपशिलाप्रमाणे व्याज सवलत म्हणून मिळेल.
अ.क्र. एकूण कर्ज बाकी (मुद्दल) व्याज सवलतीची महत्तम(जास्तीत जास्त) मर्यादा
१ रु.१.०० लाखापावेतो ५०% किंवा रु.७५०००/- यापैकी जे कमी असेल ते
२ रु.१.०० लाख ते रु ३.०० लाखाचे आंत ५०% किंवा रु.१.५०लाख यापैकी जे कमी असेल ते
३ रु.३.०० लाख ते रु.५.०० लाखाचे आंत ५०% किंवा रु.२.५०लाख यापैकी जे कमी असेल ते
४ रु.५.०० लाख ते रु.१०.०० लाखाचे आंत ५०% किंवा रु.३.५०लाख यापैकी जे कमी असेल ते
५ रु.१०.०० लाखांचे वर ५०% किंवा रु.४.५०लाख यापैकी जे कमी असेल ते
(त्याचप्रमाणे दिनांक ३० जून २०१७ अखेर थकबाकीत असलेल्या सभासदांना त्यांच्या कडील थकबाकी भरणेसाठी त्यांच्या थकखात्यावर होणारे व्याजात ४% सवलत देण्याचा सकारात्मक निर्णय घेतला असून दिनांक ३०.०६.२०१७ अखेरच्या थकबाकीदारांना सदर ४% व्याज सवलत योजनेचा जास्तीत जास्त लाभ घेणेबाबत बँकेच्यावतीने आवाहन केले आहे.)
