नाशिक (इंडिया दर्पण वृत्तसेवा) – बृहन महाराष्ट्र ज्योतिष मंडळ आणि फल ज्योतिष अभ्यास मंडळ (पुणे) आयोजीत ज्योर्तिविदांचा मेळावा या कार्यक्रमात महाराष्ट्र ज्योतिष परिषदेचे अध्यक्ष अनिल चांदवडकर यांना प्रतिभाताई शाहू मोडक यांच्या हस्ते जीवन गौरव पुरस्कार देऊन सन्मानित करण्यात आले. सन्मान चिन्ह, मानपत्र, शाल श्रीफळ,पुष्पगुच्छ देऊन हा पुरस्कार देण्यात आला. या सोहळ्यात व्यासपीठावर पंडित अतुल शास्त्री भगरे गुरुजी, चंद्रकांतदादा शेवाळे, विजय जकातदार, नंदकुमार जकातदार, तुषार जकातदार, प्रसन्न मुळे, मालती शर्मा हे उपस्थित होते. तर या कार्यक्रमात रा. स्व. संघ. जनकल्याण समितीचे पश्चिम महाराष्ट्र प्रांताचे अध्यक्ष बागदार , श्याम देशपांडे, पुणे, विवेक महाजन पनवेल ,प्रदिप पंडित, महाराष्ट्र ज्योतिष परिषदेचे रविंद्र बडवे, ज्योतिष अभ्यास मंडळ नाशिकचे अध्यक्ष भरत होसिंग, वेदांग ज्योतिषच्या सौ आभा करंदीकर, अंजली पोतदार व अनेक संस्थांचे पदाधिकारी उपस्थित होते.
