मुंबई (इंडिया दर्पण वृत्तसेवा) – शिवरायांचा पुतळा बनवणारा शिल्पकार जयदीप आपटे याला कल्याण पोलिसांनी गजाआड केले आहे. तो आपल्या पत्नी आणि आईला भेटण्यासाठी त्याच्या कल्याणच्या राहत्या घरी आला होता. पण पोलिसांनी त्याला ताब्यात घेतले आहे. पोलिसांनी जयदीपला त्याच्या राहत्या घरातून अटक केली आहे..
आपटे हा घटना घडल्यापासून फरार होता. त्यानंतर पोलिसांनी जयदीपच्या शोधासाठी सात वेगवेगळी पथक तैनात केली होती. जयदीप आपटेवर गुन्हा दाखल झाला होता. जयदीप सापडत नसल्याने पोलिसांनी लुकआऊट नोटीसही जारी केली होती. त्यानंतर आज तो सापडला.
सिंधुदुर्गात मालवण येथे राजकोट किल्ल्यावर छत्रपती शिवाजी महाराज यांचा भव्य पुतळा उभारण्यात आला होता. या पुतळ्याचं लोकार्पण डिसेंबर २०२३ मध्ये झाले होते. पण अवघ्या आठ महिन्यांच हा ३५ फुटांचा भव्य पुर्णाकृती पुतळा कोसळला होता. या घटनेनंतर राज्यभरातून संताप व्यक्त केला जात होता.
