इंडिया दर्पण ऑनलाईन डेस्क – भारतीय संघाचा स्टार वेगवान गोलंदाज जसप्रीत बुमराह पिता झाला आहे. पत्नी संजना गणेशन हिने मुलाला जन्म दिला आहे. संजना आणि बुमराह पहिल्यांदाच आई-वडील झाले आहेत. जसप्रीत बुमराहने इन्स्टाग्रामवर फोटो शेअर करत वडील झाल्याची माहिती दिली. आपल्या मुलाचे नाव अंगद ठेवल्याचेही त्यांनी सांगितले. बुमराह सध्या मुंबईत असून नेपाळविरुद्धच्या सामन्यात तो खेळणार नाही. पाकिस्तानविरुद्धच्या सामन्यानंतर तो श्रीलंकेहून भारतात परतला. आशिया चषक स्पर्धेतील सुपर फोर सामन्यांसाठी तो आता श्रीलंकेला परतणार आहे.
बुमराहने इन्स्टाग्रामवर एक फोटो शेअर केला आहे, ज्यामध्ये त्याच्या हातात पत्नी संजना आणि मुलाचा हात दिसत आहे. हा फोटो शेअर करत बुमराहने लिहिले की, “आमचे छोटेसे कुटुंब मोठे झाले आहे आणि आमची हृदये आम्ही कधीही कल्पनेपेक्षा जास्त भरली आहेत! आज सकाळी आम्ही आमच्या लहान मुलाचे, अंगद, जसप्रीत बुमराहचे जगात स्वागत केले. आम्ही खूप आनंदी आहोत आणि करू शकतो. आपल्या आयुष्यात हा नवीन अध्याय जे काही आणेल त्याची वाट पाहू नका.” यासोबतच त्याने हृदयाचा एक इमोजी शेअर केला आणि हा मेसेज जसप्रीत आणि संजना यांचा असल्याचे सांगितले.
जसप्रीत बुमराहने मार्च २०२१ मध्ये टीव्ही अँकर आणि स्पोर्ट्स प्रेझेंटर संजना गणेशनशी लग्न केले. लग्न समारंभात फक्त जवळच्या नातेवाईकांना आमंत्रित करण्यात आले होते. या नातेवाइकांना मोबाईल फोनही नेण्यास मज्जाव करण्यात आला. लग्नाच्या दोन वर्षानंतर संजना आणि बुमराह आई-वडील झाले आहेत. दोघांनीही आपलं अफेअर कधीच कळू दिलं नाही. बुमराहने लग्नानंतरचा फोटो शेअर केल्यावरच लोकांना याची माहिती मिळाली. संजनापूर्वी बुमराहचे नाव एका दक्षिण भारतीय अभिनेत्रीशीही जोडले गेले होते.
Jasprit Burmah Sanjana Ganeshan Child Birth
Cricketer
