जळगाव (इंडिया दर्पण वृत्तसेवा) – जिल्ह्यात आज एक मोठा अपघात झाला आहे. ओव्हरटेकच्या नादात ओमनी व्हॅनने थेट रिक्षाला धडक दिली. या अपघातात रिक्षा पलटी होऊन रिक्षातील एकाचा जागीच मृत्यू झाला तर सात जण जखमी झाले आहेत. बोदवड ते जामनेर रोडवर शेलवड वाकी फाट्याजवळ हा अपघात झाला.
या अपघातात पळसखेडा येथील दादाराव किसन सुरवाडे यांचा मृत्यू झाला. रिक्षाला धडक दिल्यानंतर ओमनी चालक पळून गेला. त्याच्याविरुध्द बोदवड पोलीस ठाण्यात गुन्हा दाखल करण्यात आला आहे. जामनेरकडे भरधाव वेगात ओमनी गाडी चालली होती. तर अॅपे रिक्षा विरुद्ध दिशेने येत होती.
ओमनी चालक दुसऱ्या ओमनीला ओव्हरटेक करत होता. यावेळी ओव्हरटेकच्या नादात तो रस्त्याच्या चुकीच्या दिशेला गेला. त्यामुळे तो समोरुन येणाऱ्या अॅपे रिक्षाला धडकला. ओमनीच्या धडकेमुळे रिक्षाचालक प्रदीप राठोड यांचे वाहनावरील नियंत्रण सुटले व रिक्षा पलटली झाली. या अपघातात पळसखेडा येथील दादाराव किसन सुरवाडे यांचा मृत्यू झाला तर सात जण जखमी झाले.
Jalgaon District Road Accident Omni Van Auto Rikshaw
