पुणे (इंडिया दर्पण वृत्तसेवा) – कोविड १९ महामारी संपुष्टात येत आहे आणि त्यासोबत घरून होणारे काम म्हणजेच वर्क फ्रॉम होमही बंद करण्यात येत आहे. बहुतांश कंपन्यांनी आपल्या कर्मचाऱ्यांना कार्यालयात बोलावण्यास सुरुवात केली आहे. विशेष म्हणजे, आता देशातील आघाडीच्या आयटी कंपन्यांनीही आपल्या कर्मचाऱ्यांना ऑफिसमध्ये काम करण्यास बोलावले आहे. TCS, Wipro, Infosys या कंपन्यांमध्ये प्रामुख्याने वर्क फ्रॉम होम सुविधा देण्यात आली होती. या कंपन्यांनी आता घरून काम करण्याची सुविधा बंद केली आहे. कोरोनाची तिसरी लाट संपत आल्याने केंद्र सरकारनेही कर्मचाऱ्यांना घरून काम थांबवण्याची परवानगी देत कार्यालयात परतण्यास सांगितले होते.
TCSने रिमोट वर्किंग पॉलिसी आणली आहे, ज्यामध्ये कर्मचार्‍याला घरातून कामासाठी निवडले असले तरीही त्याला मूळ स्थानावरून काम करण्यास सांगितले जाईल. आपल्या कर्मचार्‍यांना पाठवलेल्या ईमेलमध्ये कंपनीने याविषयी माहिती दिली आहे. कोरोना साथीच्या उद्रेकानंतर, कंपनीने प्रथम आपली २५ बाय २५ रणनीती तयार केली होती. त्यामध्ये २०२५पर्यंत कंपनीतील एक चतुर्थांश कर्मचारी कार्यालयातून काम करतील.
वृत्तानुसार, आयटी कंपनी विप्रोने आपले अधिकारी आणि कर्मचारी ज्यांना लसीचे दोन्ही डोस मिळाले आहेत त्यांना कार्यालयात परत येण्यास सांगितले आहे. तथापि, त्यांना हायब्रिड मोडमध्ये काम सुरू ठेवण्यास सांगितले जाईल, याचा अर्थ त्यांना आठवड्यातून दोनदा त्यांना ऑफिसमध्ये बोलावले जाईल.
इन्फोसिसने आपल्या कर्मचाऱ्यांना आठवड्यातून एक किंवा दोनदा प्रत्यक्ष कार्यालयात येण्यास सांगितले आहे. रिचर्ड लोबो, कार्यकारी उपाध्यक्ष, एचआर, इन्फोसिसचे प्रमुख, म्हणाले की कंपनी एका हायब्रीड मॉडेलवर काम करत आहे ज्यामध्ये सुमारे ४० ते ५० टक्के कर्मचारी कार्यालयात बोलावले जात आहेत.
चांगली मागणी आणि कोरोना संसर्गाच्या प्रकरणांमध्ये घट झाल्यामुळे फेब्रुवारीमध्ये देशातील सेवा क्षेत्राच्या कामांमध्ये सुधारणा झाली आहे. सेवा क्षेत्रातील कामांमध्ये सुधारणेचा हा दर गेल्या वर्षी जुलैपासून दुसऱ्या क्रमांकाचा सर्वात कमी आहे. शुक्रवारी प्रसिद्ध झालेल्या मासिक सर्वेक्षणात ही बाब समोर आली आहे. IHS मार्केट इंडिया सर्व्हिसेस बिझनेस अॅक्टिव्हिटी इंडेक्स फेब्रुवारीमध्ये ५१.८वर पोहोचला आहे. महिनाभरापूर्वी म्हणजेच जानेवारीमध्ये ते ५१.५ होते. ५०पेक्षा जास्त पीएमआयचा आकडा याचा अर्थ क्षेत्राचा विस्तार झाला आहे तर ५० च्या खाली रीडिंग म्हणजे घट झाली आहे.
