मुंबई – इंडियन रेल्वे केटरिंग अँड टुरिझम कॉर्पोरेश म्हणजेच आयआरसीटीसीच्या शेअरमध्ये सातत्याने घसरण होत आहे. काही दिवसांपूर्वी, त्याने मार्केट कॅप 1 लाख कोटी पार केले होते, मात्र आता ते 65000 कोटींवर आहे. म्हणजेच गुंतवणूकदारांचे 35000 कोटी रुपयांचे नुकसान झाले. त्यामुळे तो खरेदी करावा की नाही असा संभ्रम गुंतवणूकदारांमध्ये आहे.
आयआरसीटी कंपनीची मार्केट कॅप देखील एक लाख कोटींच्या पुढे गेली आहे. पण आज नफा-वसुलीमुळे ते सुमारे 2400 रुपये प्रति शेअरच्या तोट्यात आहे. IRCTC ऑक्टोबर 2019 मध्ये सूचीबद्ध झाले आणि तेव्हापासून त्याच्या शेअरने त्याच्या भागधारकांना उत्कृष्ट परतावा दिला आहे. परंतु, गेल्या काही सत्रांमध्ये हा स्टॉक आपली प्रभावी तेजी राखण्यात अयशस्वी ठरला. यासंदर्भात तज्ज्ञांचे म्हणणे आहे की, “आयआरसीटीसीच्या शेअर्सवर दबाव आहे. F&O निर्बंधातून बाहेर पडल्याने ते 4500 च्या 20-DMA च्या खाली घसरले. लहान व्यापाऱ्यांनी ते अधिक ओढण्याचा प्रयत्न केला. त्यामुळे 4000 ते 3700 पर्यंतच्या शेअरला जोरदार मागणी असली तरी येथून काही दिलाशाची अपेक्षा करू शकतो.”
IRCTC स्टॉकसाठी दीर्घकालीन दृष्टीकोन अजूनही तेजीचा आहे. म्हणजेच गुंतवणूकदार सध्याच्या घसरणीचा वापर करून शेअर खरेदीची संधी म्हणून घेऊ शकतात. गेल्या मंगळवारी 6,393 रुपयांचा विक्रमी उच्चांक गाठल्यानंतर गेल्या पाच व्यापार सत्रांमध्ये IRCTC शेअर्स 34 टक्क्यांपेक्षा जास्त घसरले आहेत. तथापि, यावर्षी आतापर्यंत स्टॉकने 185 टक्क्यांपेक्षा जास्त मल्टीबॅगर परतावा दिला आहे. तर गेल्या सहा महिन्यांत तो 139 टक्क्यांवर आहे. त्यामुळे जर ही पातळी कायम राहिली, तर तो शेअर 4500 झोनकडे आणखी उसळी मारू शकतो. याचाच अर्थ आता खरेदी करणे फायदेशीर आहे. आणि नजिकच्या काळात किंवा भविष्यात या शेअरची किंमत चांगलीच वाढेल, असे तज्ज्ञांचे मत आहे.
