इंडिया दर्पण ऑनलाईन डेस्क
आयपीएलच्या राजस्थान विरुध्द गुजरातच्या सामान्यात १४ वर्षाच्या वैभव सूर्यवंशीने अवघ्या ३५ चेंडूत शतक ठोकलं. तो राजस्थानकडून खेळत असतांना त्याने ही कामगिरी करत इतिहास रचना. आयपीएलमध्ये शतक ठोकणारा तो सर्वात कमी वयाचा खेळाडू ठरलाय. तर त्याचं शतक आयपीएलमध्ये दुसरं वेगवान शतक ठरलं आहे. या शतकी खेळात ७ चौकार आणि ११ षटकांराचा समावेश होता. याआधी बंगलुरुकडून खेळणा-या ख्रिस गेलने पुणे वॅारियर्सविरुध्द ३० चेंडूत शतक ठोकले होते.
वैभव सूर्यवंशीचा आयपीएलमधील हा तिसरा सामना होता. या सामन्यात त्याने स्फोटक फलंदाजी करत चौकार आणि षटकांचा पाऊस पाडला. आयपीएल २०२५ चा ४७ वा सामना राजस्थान रॅायल आणि गुजरात टायटन्स यांच्यात जयपूरच्या सवाई मानसिंग स्टेडियमवर खेळवण्यात आला. ज्यामध्ये राजस्थानने ८ विकेटसने विजय मिळवला.
हे शतक पाहून प्रशिक्षक राहुल द्रविड देखील त्याच्या व्हीलचेअरवरुन उभा राहिला आणि नाचू लागला. आयपीएलपूर्वी राहुलच्या पायाला दुखापत झाली होती. ज्यामुळे तो संपूर्ण आयपीएलमध्ये व्हीलचेअरवर दिसला. पण, वैभवची खेळी पाहिल्यानंतर तो सगळं विसरुन आनंदाने उड्या मारु लागला.
या सामन्यात राजस्थानला गुजराथने २१० धावाचं आव्हान दिलं होते. राजस्थानने हे आव्हान वैभवच्या वादळी खेळीच्या जोरावर सहज पूर्ण केलं. राजस्थानच्या २५ बॅालआधी २ विकेटसच्या मोबदल्यात हे आव्हान सहज पूर्ण करत एकतर्फी विजय मिळवला. राजस्थाने १५.५ ओव्हरमध्ये २१२ धावा केल्या. या सामन्यात यशस्वी जयस्वाल यानेही विजयात योगदान दिले. त्याने नाबाद ७० धआवा केल्या. तर कर्णधार रियान परागही ३२ धावावर नाबाद राहिला. राजस्थानचा हा सलग पाचव्या पराभवानंतर पहिला तर एकुण तिसरा विजय ठरला. वैभवला प्रसिध कृष्णा याने बोल्ड केलं.
