अर्जुनला मैदानात पाहून भावूक झाला; सचिन तेंडुलकर समोर आला हा व्हिडिओ

मुंबई (इंडिया दर्पण वृत्तसेवा) – महान फलंदाज सचिन तेंडुलकरने खुलासा केला की, त्याने आपला मुलगा अर्जुन तेंडुलकरला स्पर्धात्मक सामन्यात खेळताना पाहिले नाही. सचिन तेंडुलकरने पहिल्यांदा अर्जुनला आयपीएल पदार्पणाच्या सामन्यात खेळताना पाहिले. अर्जुन तेंडुलकरने रविवारी वानखेडे स्टेडियमवर कोलकाता नाइट रायडर्सविरुद्ध मुंबई इंडियन्सकडून आयपीएलमध्ये पदार्पण केले.

आयपीएल ट्विटर हँडलने एक व्हिडिओ पोस्ट केला आहे, ज्यामध्ये सचिन तेंडुलकर म्हणाला, ‘माझ्यासाठी हा एक नवीन अनुभव होता. आतापर्यंत मी प्रत्यक्ष जाऊन अर्जुनला स्पर्धात्मक सामना खेळताना पाहिलेले नाही. मला फक्त अर्जुनने जावे आणि व्यक्त व्हावे असे वाटते. आजही मी ड्रेसिंग रूममध्ये बसलो कारण त्याने त्याच्या प्लॅनपासून दूर जावे आणि मी त्याला खेळताना पाहतोय हे मोठ्या पडद्यावर पाहू लागावे असे मला वाटत नव्हते. म्हणूनच मी आत होतो.’

https://twitter.com/IPL/status/1647541542905847809?s=20

तेंडुलकर पुढे म्हणाला, ‘२००८ मध्ये मी मुंबई इंडियन्सकडून खेळलो. अर्जुनने १६ वर्षांनंतर त्याच संघाकडून आयपीएलमध्ये पदार्पण केले.’ आयपीएलमध्ये खेळणारी सचिन आणि अर्जुन ही पहिली पिता-पुत्र जोडी ठरली आहे. अर्जुन तेंडुलकरला कर्णधार रोहित शर्माने डेब्यू कॅच दिला होता. डावखुरा वेगवान गोलंदाजाने दोन षटकांत १७ धावा दिल्या.

अर्जुन तेंडुलकरने त्याच्या आयपीएल पदार्पणावर सांगितले की, ‘हा एक चांगला क्षण होता. २००८ पासून मी सपोर्ट करत असलेल्या संघासाठी खेळणे विशेष होते. चांगली गोष्ट म्हणजे मला मुंबई इंडियन्स आणि भारतीय संघाचा कर्णधार रोहित शर्माकडून पदार्पणाची कॅप मिळाली. रविवारी मुंबई इंडियन्सने १४ चेंडू बाकी असताना कोलकाता नाईट रायडर्सचा ५ विकेट राखून पराभव केला. कोलकाता नाईट रायडर्सने प्रथम फलंदाजी करताना २० षटकांत ६ गडी गमावून १८५ धावा केल्या. प्रत्युत्तरात मुंबई इंडियन्सने १७ षटकांत ५ गडी गमावून लक्ष्य गाठले.

https://twitter.com/IPL/status/1647820106427256833?s=20

IPL Arjun Tendulkar MI Play Sachin Tendulkar Video