मुंबई (इंडिया दर्पण वृतसेवा) – सध्या आयपीएल म्हणजेच इंडियन प्रीमियर लीगचा मोसम सुरू असून सर्वत्र आयपीएलचा फिव्हर दिसून येत आहे. यामध्ये बहुतांश सामने रंगतदार होत असून प्रसिद्ध तथा नामांकित खेळाडू प्रमाणेच नवोदित खेळाडू देखील नवनवीन विक्रम प्रस्थापित करीत आहेत.
लखनौ सुपर जायंट्सचा कर्णधार के एल राहुलने इंडियन प्रीमियर लीग (IPL) 2022 मध्ये चांगली कामगिरी करणे सुरूच ठेवले आहे. अलिकडच्या वर्षांत क्रिकेटच्या सर्वात लहान फॉरमॅटमध्ये तो भारताचा सर्वात विश्वासार्ह फलंदाज आहे. राहुलने IPL 2022 च्या 31 व्या सामन्यात रॉयल चॅलेंजर्स बंगलोर विरुद्ध 24 चेंडूत 30 धावा केल्या. या खेळीनंतर राहुलने टी-20 क्रिकेटमध्ये आणखी एक मोठी कामगिरी केली आहे. तो T20 क्रिकेटमध्ये सर्वात जलद 6000 धावा करणारा भारतीय फलंदाज बनला आहे.
राहुलने 138.18 च्या सरासरीने 179 डावात T20 क्रिकेटमध्ये 6000 धावा पूर्ण केल्या. यापूर्वी T20 क्रिकेटमध्ये सर्वात जलद 6000 धावा करण्याचा विक्रम विराट कोहलीच्या नावावर होता, त्याने 184 डावांमध्ये ही कामगिरी केली होती. IPL 2022 च्या मोसमात शतक झळकावणारा राहुल हा फक्त दुसरा फलंदाज आहे. त्याच्याशिवाय जोस बटलरने या मोसमात आतापर्यंत शतक झळकावले आहे.
राहुल सर्वकालीन यादीत वेस्ट इंडिजचा महान ख्रिस गेल ( 162 डाव) आणि पाकिस्तानचा कर्णधार बाबर आझम ( 165 ) यांच्या मागे आहे. भारतीयांमध्ये शिखर धवन 213 डावांसह राहुल आणि कोहलीनंतर तिसरा भारतीय आहे. त्याचबरोबर सुरेश रैना या प्रकरणात चौथ्या क्रमांकावर आहे, ज्याने 217 डावात टी-20 मध्ये 6000 धावा पूर्ण केल्या आहेत. टीम इंडिया आणि मुंबई इंडियन्सचा कर्णधार रोहित शर्मा 218 डावांमध्ये 6000 धावांसह पाचव्या स्थानावर आहे.
