नवी दिल्ली – इंडियन प्रीमियर लीग (आयपीएल) च्या १४ व्या मोसमातील खेळाडूंचा लिलाव चेन्नईत झाला. या लिलाव सोहळ्यात काव्या मारन ही तरुणी फ्रँचाइजी टीम सनरायझर्स हैदराबाद (एसआरएच) च्या छावणीतही दिसली. त्यामुळे तिच्याकडे सगळ्यांचेच लक्ष वेधले गेले. ती नक्की कोण आहे?
यांची आहे कन्या
आयपीएल लिलाव दरम्यान काव्या बर्‍याचदा टीव्ही स्क्रीनवर दिसली आणि तिची छायाचित्रे सोशल मीडियावर व्हायरल झाली. आयपीएल सामन्यादरम्यान दिसलेली काव्य ही एसआरएच टीम मालक कलानिथी मारन यांची मुलगी आहे. एखाद्या अभिनेत्री प्रमाणे सुंदर असलेल्या काव्याची छायाचित्रेही व्हायरल झाली आहेत. गेल्या काही हंगामात आयपीएल सामना पाहण्यासाठी काव्या स्टेडियममध्ये आली होती. त्यावेळीही तिची चर्चा झाली आहे.
केदारला केले खरेदी
या लिलावाबद्दल बोलताना काव्याने सांगितले की, सनरायझर्स हैदराबाद संघाने एकूण तीन खेळाडू खरेदी केले आहेत. त्यात केदार जाधव या स्टार फलंदाजाला २ कोटींमध्ये खरेदी केले. याव्यतिरिक्त सनरायझर्स हैदराबादने आणखी दोन मोठे खेळाडू खरेदी केले आहेत.
