विशेष प्रतिनिधी, मुंबई
अॅपलने आयफोन १३ सीरिज लाँच केली असून या मालिकेअंतर्गत, आयफोन १३, आयफोन १३ मिनी, आयफोन १३ प्रो आणि आयफोन प्रो मॅक्स हे चार स्मार्टफोन लाँच करण्यात आले आहेत. या कंपनीने आयफोन १३ मालिका एका ऑनलाईन कार्यक्रमात लाँच केली असून आयफोन १३ सीरीजची सुरुवातीची किंमत सुमारे ५१,४०० रुपये आहे. नवीन आयफोन चार कलर ऑप्शनमध्ये लॉन्च करण्यात आले आहेत आणि यामध्ये कंपनी लेटेस्ट A15 बायोनिक चिपसेट ऑफर करत आहे. विशेष म्हणजे कंपनी नवीनतम आयफोन मध्ये 5G कनेक्टिव्हिटी ऑफर करत आहे, त्याच्या वैशिष्ट्यांबद्दल तपशीलवार जाणून घेऊ या…
आयफोन १३ आणि आयफोन १३ मिनीची वैशिष्ट्ये : सदर कंपनी आयफोन १३ मध्ये ६.१ इंचाचा डिस्प्ले देत आहे. त्याचबरोबर आयफोन १३ मिनीमध्ये ५.४ इंचाचा डिस्प्ले देण्यात आला आहे. दोन्ही स्मार्टफोनचा डिस्प्ले OLED पॅनलचा आहे. फोनचा मुख्य भाग अॅल्युमिनियमचा बनलेला आहे, ज्यामुळे त्याचा लूक खूप खास बनतो. कंपनीने १२८ जीबी, २५६ जीबी आणि ५१२ जीबी वेरिएंटमध्ये स्मार्टफोन लॉन्च केले आहेत. या दोन फोनमध्ये अॅपलचा लेटेस्ट ए १५ बायोनिक चिपसेट देण्यात येत आहे. आयफोन 13 मध्ये कोणत्याही स्मार्टफोनपेक्षा सर्वात वेगवान सीपीयू आहे. आयफोन १३ आणि १३ मिनी मध्ये फोटोग्राफीसाठी, एलईडी फ्लॅशसह ड्युअल रिअर कॅमेरा सेटअप देण्यात आला आहे. यात १२-मेगापिक्सेल रुंद कॅमेरा असलेली १२-मेगापिक्सलची ट्रुडेप्थ कॅमेरा प्रणाली आहे. आयफोन १३ मध्ये, कंपनी आयफोन १२ पेक्षा २.५ तास अधिक बॅटरी लाईफ देते.
आयफोन १३ प्रो आणि आयफोन १३ प्रो मॅक्स : दोन्ही आयफोन आयओएस १५ वर बॉक्सच्या बाहेर काम करतात. या कंपनीने प्रो व्हेरिएंटची प्रारंभिक किंमत 73,500 रुपये आहे. तसेच प्रो मॅक्स व्हेरिएंटची प्रारंभिक किंमत सुमारे ९० हजार रुपये ठेवली आहे. आयफोन १३ च्या प्रो व्हेरिएंटमध्ये, कंपनी १२८ जीबी आणि ५१२ जीबी 1TB अंतर्गत स्टोरेजसह व्हेरिएंट देखील ऑफर करत आहे.
आयफोन १३ प्रो आणि १३ प्रो मॅक्स व्हेरिएंट मध्ये चिपसेट हे आधीच्या आयफोनच्या तुलनेत ५० टक्के चांगला ग्राफिक्स परफॉर्मन्स देतो. स्मार्टफोनमध्ये दिसणारा डिस्प्ले 120Hz रिफ्रेश रेटला सपोर्ट करतो. या दोन्ही फोन मध्ये अल्ट्रा-वाइड-अँगल कॅमेरा आणि 12-मेगापिक्सल 3x ऑप्टिकल झूम टेलीफोटो लेन्ससह वाइड-एंगल कॅमेरा देण्यात येत आहे. स्मार्टफोनमध्ये उत्तम व्हिडिओ शूट करण्यासाठी सिनेमॅटिक मोड देखील देण्यात आला आहे.
