मुकुंद बाविस्कर, इंडिया दर्पण वृतसेवा
हिंदी चित्रपट सृष्टीत एकेकाळी एकाच वेळी अनेक अभिनेत्यांनी अधिराज्य गाजविले, ते अभिनेते म्हणजेच दिलीप कुमार, राजेन्द्र कुमार, राजकुमार, देवानंद, शम्मी कपूर आणि राज कपूर होय. यामध्ये राज कपूर यांनी अभिनेता बरोबरच निर्माता, दिग्दर्शक गायक अशा विविध भूमिका बजावल्या आहेत. बॉलिवूड इंडस्ट्रीतील दिवंगत अभिनेते राज कपूर यांच्या अनेक कथा आजही प्रसिद्ध आहेत. राज कपूर हे असे अभिनेते होते की, त्यांचे फॅन किंवा चाहते केवळ भारतातच नाही तर रशिया आणि चीनमध्येही होते. ते उंची मद्य पिण्याचा किती शौकीन होता हे सर्वांनाच माहीत आहे. तसेच त्यांचे दारूबंदीचे किस्से देखील खूप गाजले. पण १९७८ मध्ये आलेल्या ‘सत्यम-शिवम-सुंदरम’ या चित्रपटासाठी त्यांनी दारू सोडली होती हे क्वचितच कुणाला माहीत असेल.
सदर चित्रपट प्रदर्शित झाला त्यावेळी राज कपूर खूप श्रद्धाळू झाले होते, असे म्हटले जाते. या चित्रपटाच्या यशासाठी त्याने रिलीजपूर्वी दारू सोडली होती. इतकेच नाही तर त्याने अनेक दिवस मांसाहाराला हातही लावला नाही. राज कपूर या चित्रपटाचे दिग्दर्शक आणि निर्माता दोघेही होते. या चित्रपटाने झीनत अमानला रातोरात उंचीवर नेले. राज कपूर त्यांच्या बहुतेक चित्रपटांचे शूटिंग आरके स्टुडिओमध्ये करायचे. बॉलीवूडमध्ये राज कपूर यांना त्यांच्या अफाट कामासाठी आजही स्मरणात ठेवले जाते. राज कपूर यांना मद्यपानाचे इतके शौकीन होते की ते सामान्य दारू पीत नव्हते. या घटनेचा उल्लेख त्यांचा मुलगा रणधीर कपूर याने एका कार्यक्रमादरम्यान केला होता.
रणधीर कपूर यांनी सांगितले की, त्याचे वडील फक्त लंडनमधून आणलेले मद्य प्यायचे. इतर कोणत्याही ब्रँडची दारू प्यायची त्याला इतकी भिती होती की, तो पार्ट्यांमध्येही आपली दारू सोबत घेऊन जायचा. राज कपूर खूप प्रतिभावान होते, ते एक प्रसिद्ध अभिनेता तसेच निर्माता आणि दिग्दर्शक होते. त्यांच्या काळातील ते सर्वात तरुण दिग्दर्शक होते. वयाच्या अवघ्या २४ व्या वर्षी त्यांनी आपल्या करिअरला सुरुवात केली. आपल्या वेगळ्या शैलीने आणि चित्रपटांनी हिंदी चित्रपटसृष्टीत ठसा उमटवला. राज कपूर यांना हिंदी चित्रपटसृष्टीतील शो मॅन देखील म्हटले जाते.
