नाशिक (इंडिया दर्पण वृत्तसेवा) – लामखेडे मळा भागात कार रिव्हर्स घेतांना धडक बसल्याने ३८ वर्षीय महिला ठार झाल्याची दुर्दैवी घटना घडली आहे. सुनिता भास्कर शेखरे (रा. देवी मंदिराजवळ, वज्रेश्वरीनगर दिंडोरीरोड) असे मृत महिलेचे नाव आहे. याप्रकरणी पोलिस नाईक काकाजी काळे यांनी तक्रार दाखल केली असून पंचवटी पोलिस ठाण्यात अपघाताची नोंद करण्यात आली आहे. निष्काळजीपणे कार चालवणा-या कारचालकास अटक करण्यात आली आहे.
पोलिसांनी दिलेल्या माहितीनुसार याबाबत शेखरे या रविवारी (दि.१०) दुपारच्या सुमारास लामखेडे मळा भागात गेल्या असता ही घटना घडली. रोज बेकरी जवळून त्या पायी जात असतांना पाठीमागे भरधाव आलेल्या कारने त्यांना जोरदार धडक दिली. चालकाने निष्काळजीपणे कार रिव्हर्स मध्ये घेतल्याने हा अपघात झाला.
या अपघातात गंभीर जखमी झालेल्या सुनिता शेखरे यांचा मृत्यू झाला. पंचवटी पोलिसांनी कारचालक मनिष बाळू गवळी (रा. महाराणा प्रताप नगर,दिंडोरी रोड ) यास ताब्यात घेतले असून अधिक तपास पोलिस नाईक माळवाळ करीत आहेत.
Nashik City Crime Police Theft dacoity murder suicide fight beaten
