नाशिक (इंडिया दर्पण वृत्तसेवा) – जुने नाशिक परिसरातील नानावली पटांगण भागात धारदार शस्त्र बाळगणा-या तरूणाच्या पोलिसांनी मुसक्या आवळल्या. संशयिताच्या ताब्यातून चॉपरसह धारदार तलवार हस्तगत करण्यात आली असून याप्रकरणी भद्रकाली पोलिस ठाण्यात गुन्हा दाखल करण्यात आला आहे. ही कारवाई शहर गुन्हे शाखेच्या युनिट २ च्या पथकाने केली.
अमन नूरखान पठाण (२२ रा.घर न.३८९२ नानावली पटांगण,स्मशानभूमि भिंती लगत भद्रकाली) असे अटक करण्यात आलेल्या शस्त्रधारीचे नाव आहे. नानावली पटांगण भागात राहणा-या तरूणाकडे धारदार शस्त्र असल्याची माहिती युनिट २ च्या पथकास मिळाली होती.
त्यानुसार रविवारी (दि.१०) सायंकाळी पोलिसांनी धाव घेत संशयिताची घर व अंगझडती घेतली असता त्याच्या ताब्यात चॉपरसह धारदार तलवार मिळून आली. याबाबत जमादार यशवंत बेंडकुळे यांनी तक्रार दाखल केली असून अधिक तपास हवालदार काकड करीत आहेत.
Nashik City Crime Police Theft dacoity murder suicide fight beaten
