इंडिया दर्पण ऑनलाईन डेस्क – रागाच्या भरात एखादा व्यक्ती काय करेल याचा नेम नसतो, त्यातून एखादी भयानक दुर्घटना देखील घडू शकते, असाच प्रकार इंदूर शहरात घडला. प्रेयसीसोबत झालेल्या भांडणाच्या सूडाच्या आगीत एका तरुणाने स्वर्णबाग कॉलनीतील इमारतीत झोपलेल्या सात जणांची हत्या केली. कारण त्याने आपल्या मैत्रिणीच्या गाडीला आग लावली, त्यामुळे आगीच्या ज्वाळांनी संपूर्ण घराला वेढले.
आगीने वेढलेल्या लोकांनी जीव वाचवण्यासाठी पायऱ्यांकडे धाव घेतली, मात्र पार्किंगमध्ये जळणाऱ्या 13 दुचाकी आणि एक चारचाकी वाहनांनी त्यांचा रस्ता अडवला. ते नामुष्कीने जळत्या इमारतीत इकडे तिकडे धावत राहिले. भाजल्याने आणि गुदमरून दोन महिलांसह पाच पुरुषांचा मृत्यू झाला. त्यानंतर सकाळी त्यांचे मृतदेह पायऱ्यांवर पडलेले आढळले.
इतके नव्हे आगीपासून वाचण्यासाठी दोन तरुणांनी दुसऱ्या मजल्यावरून उडी मारली. यामुळे त्यांच्या पाठीला गंभीर दुखापत झाली. ज्या मुलीच्या स्कूटरला आग लागली होती, तिला लोकांनी दोरीच्या सहाय्याने वाचवले. आरोपी संजय उर्फ शुभम दीक्षित याला रात्री उशिरा गुन्हे शाखा आणि विजयनगर पोलिसांनी निरंजनपूर परिसरातून अटक केली. या घटनेत ते जखमीही झाले. त्यानंतर सुमारे 10 तास पोलिस अधिकारी आणि एफएसएल तज्ज्ञ शॉर्ट सर्किट गृहीत धरून आगीच्या कारणाचा तपास करत राहिले, मात्र दुपारी सीसीटीव्ही फुटेजमुळे या घटनेचे रहस्य उघड झाले. कॅमेऱ्यांमध्ये संजय दीक्षित नावाचा तरुण एका मुलीच्या स्कूटरला आग लावताना दिसत आहे. मूळचा नागरा (झाशी) येथील रहिवासी असलेल्या संजय उर्फ शुभमचे त्याच घरात आईसोबत राहणाऱ्या तरुणीसोबत प्रेमसंबंध होते, मात्र काही दिवसांपासून दोघांमध्ये दुरावा निर्माण झाला होता.
पोलिसांनी दिलेल्या माहितीनुसार, आरोपी संजय इंजिनीअरिंगचे शिक्षण घेतल्यानंतर नोकरी करायचा. याच भागात आईसोबत राहणाऱ्या एका तरुणीचे संजयसोबत प्रेमसंबंध होते. सुमारे सहा महिन्यांपूर्वी दोघांमध्ये वाद होऊन तो या तरुणीकडे तिच्यावर खर्च केलेल्या 10 लाख रुपयांच्या बदल्यात कारची मागणी करत होता. सदर मुलीने नकार दिल्याने त्याने बदला घेण्याची धमकी दिली आणि रात्री तिची स्कूटर जाळून पळ काढला. पार्किंगमध्ये उभी केलेली 14 वाहने जळून खाक झाली. काही वेळातच आगीने संपूर्ण घराला वेढले.
दरम्यान, विजय नगर पोलिसांनी इन्साफ पटेलच्या घरातून जप्त केलेला सीसीटीव्हीचा डीव्हीआर पाहिला असता, संजय स्कूटरजवळ उभा असल्याचे दिसले. पोलिसांनी माहिती घेतली आणि अनेक ठिकाणी छापे टाकले. त्याच्या कॉल डिटेल्सच्या आधारे दोन तरुणांना ताब्यात घेण्यात आले. त्यानंतर रात्री पोलिसांनी संजयला निरंजनपूर परिसरातून अटक केली.
