नांदगाव (इंडिया दर्पण वृत्तसेवा) – तालुक्यातील न्यायडोंगरी- बोलठाण रोड वर संपत नगर येथे एका अज्ञात व्यक्तीचा खून झाल्यामुळे खळबळ निर्माण झाली आहे. या घटनेत मृत व्यक्तीचा चेहरा व डोक्यात जबरदस्त मारल्यामुळे त्याची ओळख पटणे अवघड झाले आहे. संपत नगर येथील शेतकरी रघूनाथ रखमाजी मगर यांच्या शेताच्या बाजुला अज्ञात व्यक्तीचा मृतदेह आढळला.
कैलास देविदास आहेर हे नित्य नेमाणे सकाळी बाहेर जात असतांना त्यांना हा मृतदेह दिसला. त्यानंतर त्यांनी नांदगाव पोलिसात संपर्क साधला नांदगाव पोलिसांनी तातडीने घटनास्थळी धाव घेतली. तालुक्यात गेल्या काही दिवसात खूनाची ही तिसरी घटना समोर आली आहे. या अगोतर तालुक्यातील न्यायडोंगरी गावातएका पत्नीने आपल्या अल्पवयीन मुलाच्या साह्याने आपल्याच दारूड्या नवऱ्याचा खून केल्याची घटना होती. त्यानंतर याच गावात डॉ. भाग्यश्री किशोर शेवाळे हीचा दगडाने ठेचून खून केल्याप्रकरणी गुन्हा दाखल करण्यात आला होता.
अवघ्या काही दिवसात तालुक्यात या खूनाच्या घटना घडल्यामुळे नांदगाव तालुका हादरला आहे. या खूनाच्या घटना वेगवेगळ्या असल्या तरी त्या एका पाठोपाठ काही दिवसाच्या अंतराने झाल्या आहे. त्यामुळे खूनाची ही हॅट्रीक सध्या गंभीर चर्चेचा विषय ठरली आहे.
Hattrick of murder in Nandgaon taluka….. An unknown person was stoned to death on Nyadongari road
