नवी दिल्ली (इंडिया दर्पण ऑनलाईन डेस्क) – जगभरात भारतीय वंशाच्या अनेक व्यक्तींनी अत्यंत महत्त्वपूर्ण कामगिरी केलेली आहे. त्यातच आता आणखी एका व्यक्तीचा समावेश झाला असून या व्यक्तीने अभिमानास्पद कामगिरीबद्दल इलेक्ट्रिक वाहन कंपनी टेस्लाचे संस्थापक आणि सीईओ एलन मस्क यांनी सांगितले की, भारतीय वंशाचे अशोक एलुस्वामी हे त्यांच्या इलेक्ट्रिक वाहन कंपनीच्या ऑटो पायलट टीमसाठी नियुक्त झालेले पहिले व्यक्ती ठरले असून एलुस्वामी हे या ऑटो पायलट टीमचे संचालक आहेत.
या बाबत अधिक माहिती देताना इलेक्ट्रिक वाहन कंपनी टेस्लाचे संस्थापक आणि सीईओ एलन मस्क यांनी सांगितले की, भारतीय वंशाचे अशोक एलुस्वामी हे त्यांच्या इलेक्ट्रिक वाहन कंपनीच्या ऑटो पायलट टीमसाठी नियुक्त झालेले पहिले कर्मचारी ठरले आहेत. विशेष म्हणजे अशोक एलुस्वामी ऑटो पायलट टीमचे संचालक बनले आहेत. मस्कने लोकांची भरती करण्यासाठी इंटरनेट मीडियाचा वापर केला आहे.
तसेच मस्क यांनी ट्विट केले की, ‘माझ्या ट्विटद्वारे नियुक्त झालेले अशोक हे पहिले व्यक्ती आहेत. टेस्लाने ऑटो पायलट टीम सुरू केली आहे. अशोक ऑटो पायलट इंजिनिअरिंगचे प्रमुख झाले आहेत. मस्क म्हणाले, ‘अँड्रेझ हे एआयचे संचालक आहेत. लोक अनेकदा मला खूप क्रेडिट देतात. आंद्रेजला अधिक श्रेय द्या. टेस्ला ऑटो पायलटची एआय टीम अत्यंत गुणवान आहे.
टेस्लामध्ये सामील होण्यापूर्वी, अशोक एलुस्वामी हे Volkas Volkswagen इलेक्ट्रॉनिक्स रिसर्च लॅब आणि WABCO वाहन नियंत्रण प्रणालीशी संबंधित होते. त्यांनी चेन्नईच्या कॉलेज ऑफ इंजिनीअरिंग गिंडी येथून इलेक्ट्रॉनिक्स आणि कम्युनिकेशन इंजिनीअरिंगमध्ये बॅचलर डिग्री घेतली आहे. त्यानंतर त्यांनी कार्नेगी मॅलोन विद्यापीठातून रोबोटिक्स सिस्टम्स डेव्हलपमेंटमध्ये पदव्युत्तर पदवी मिळवली होती.
ऑटोपायलट म्हणजे ड्रायव्हरच्या मदतीशिवाय कोणत्याही गाडीची हालचाल करणे होय. ऑटोपायलट तंत्रज्ञान अनेक भिन्न इनपुटच्या आधारे कार्य करते. उदाहरणार्थ, ते नकाशांद्वारे थेट उपग्रहाशी जोडते. तसेच प्रवाशाला कुठे जायचे आहे ते निवडले जाते. त्यानंतर मार्ग निवडला जातो. कार ऑटोपायलट मोडवर असताना, सॅटेलाइटसह, कारच्या आजूबाजूला प्रदान केलेल्या कॅमेऱ्यांमधून इनपुट देखील मिळते. म्हणजेच गाडीच्या समोर किंवा मागे, उजवीकडे किंवा डावीकडे कोणतीही वस्तू नाही. मात्र जेव्हा एखादी वस्तू आदळते तेव्हा कार डावी-उजवीकडे सरकते किंवा थांबते.
