इंडिया दर्पण ऑनलाईन डेस्क
बेळगाव जिल्ह्यातील रायबागमध्ये माहेरी गेलेल्या पत्नीने सासरी येण्यास नकार देताच पतीने आपल्या ४ महिन्याच्या बाळाला डांबरी रोडवर आपटल्याची धक्कादायक घटना घडली. यात बाळाचा जागीच मृत्यू झाला आहे. संचित बळनुकी (४ महिने) असे मृत बालकाचे नाव आहे. तर बसप्पा रंगप्पा बळनुकी असे वडिलांचे नाव आहे. विशेष म्हणजे बसप्पा पोलीस दलात कार्यरत असल्याची माहिती समोर आली आहे. तो केएसआयएसएफमध्ये राखीव पोलिस आहे.
पत्नीने आज सण आहे उद्या जाऊ असे सांगताच बसप्पाचा राग अनावर झाला. त्याने सासुरवाडीतील घरासमोरील डांबरी रस्त्यावर आपटले. त्यानंतर तो गंभीर जखमी झाला. ही घटना झाल्यानंतर आजूबाजूचे लोक जमा झाले. त्यांनी तातडीने बाळाला अगोदर रुग्णालयात दाखल केले. पण, बाळाचा मृत्यू झाला होता. सोमवारी ही घटना घडली.
बसप्पा हा अथणी तालुक्यातील दुरडुंडी येथील रहिवासी आहे. त्याचे चिंचली येथील तरुणीबरोबर १९ महिन्यांपूर्वी लग्न झाले. त्यानतंर त्यांना चार महिन्याचे बाळ झाले. या बाळाला घेऊन पत्नी माहेरी आली होती. त्यात ही दुर्दैवी व धक्कादायक घटना घडली. याप्रकरणी बसप्पाच्या पत्नीने तक्रार दिल्यानंतर कुडची पोलिस ठाण्यात याप्रकरणी गुन्हा दाखल करण्यात आला. त्यानंतर पोलिसांनी बसप्पाला अटक केली. या घटनेनंतर सर्वत्र संताप व्यक्त केला जात आहे.
4 month old baby hit on asphalt road, baby died
