नाशिक (इंडिया दर्पण वृत्तसेवा) – नाशिक जिल्हा परिषदेच्या वतीने दरवर्षी दिनांक ५ सप्टेंबर शिक्षक दिनानिमित्त जिल्हा गुणवंत शिक्षक पुरस्कार जाहिर केले जातात. सन २०२३-२४ साठी नाशिक जिल्हयातील १५ तालुक्यातुन एकूण २८ प्राथमिक शिक्षकांचे प्रस्ताव प्राप्त झाले होते. तालुका बदलून गट शिक्षणाधिकारी यांना प्रस्ताव पडताळणी साठी देण्यात आले होते. गट शिक्षणाधिकारी, यांनी प्रस्तावांची पडताळणी प्रत्यक्ष शाळांना भेटी देऊन केली व विहित पडताळणी प्र पत्र गुणाकनासह पडताळणी अहवाल: गोपीय रित्या बंद लिफाप्यात जिल्हा कार्यालयास सादर केला होता. त्या नुसार जिल्हास्तरीय गुणवंत शिक्षक निवड समितीने गुणवत्तेच्या आधारावर प्रत्येक तालुक्यातून एका प्राथमिक शिक्षकाची निवड करुन १५ गुणवंत शिक्षकांची यादीसह मा. विभागीय आयुक्त नाशिक विभाग नाशिक यांचे कडे प्रस्ताव मान्यतेस्तव सादर केला होता त्यास विभागीय आयुक्त नाशिक विभाग नाशिक यांनी सदर यादीस मान्यता दिली आहे.
नाशिक जिल्हा परिषदेच्या माध्यमातून अनेक नाविन्यपूर्ण उपक्रम शिक्षण क्षेत्रात सुरु आहे, विद्यार्थ्यांना भविष्यवेधी शिक्षण देण्याच्या दृष्टीने शिक्षकांच्या कार्यशाळा देखील घेण्यात येत आहे. निवड झालेल्या सर्व गुणवंत शिक्षकांचे जिल्हा परिषदेच्या मुख्य कार्यकारी अधिकारी आशिमा मित्तल यांनी अभिनंदन केले आहे. जिल्हा गुणवंत शिक्षक पुरस्कार २०२३-२४ वितरण कार्यक्रम ९ सप्टेंबर रोजी कै. रावसाहेब थोरात सभागृह दुपारी १२ वाजता गंगापुर रोड नाशिक येथे आयोजित केला आहे, अशी माहिती शिक्षणाधिकारी प्राथमिक नितीन बच्छाव यांनी दिली.
हे आहेत गुणवंत शिक्षक :
बागलाण : प्रमिला भावराव पगार, प्राथमिक शिक्षिका, जिल्हा परिषद शाळा भिलदर, ता.बागलाण
चांदवड : वैशाली विलास जाधव, प्राथमिक शिक्षिका, जिल्हा परिषद शाळा एकरुखे, ता.चांदवड
देवळा : अर्चना दादाजी आहेर, प्राथमिक शिक्षिका, जिल्हा परिषद शाळा पिंपळेश्वर (वा), ता. देवळा
दिंडोरी : नौशाद अब्बास मुसलमान, प्राथमिक शिक्षक, जिल्हा परिषद शाळा परमोरी, ता.दिंडोरी
कळवण : चित्रा धर्मा देवरे, प्राथमिक शिक्षिका, जिल्हा परिषद शाळा अभोणा मुली, ता. कळवण
इगतपुरी : अनिल सारंगधर शिरसाठ, प्राथमिक शिक्षक, जिल्हा परिषद शाळा, जामुंडे, ता.इगतपुरी
मालेगाव : प्रतिभा सुनील अहिरे, प्राथमिक शिक्षका, जिल्हा परिषद शाळा, वजीरखेडे, ता. मालेगाव
निफाड : देवेंद्र वसंतराव वाघ, प्राथमिक शिक्षक, जिल्हा परिषद शाळा, देवीचा माथा, ता.निफाड
नाशिक : उत्तम भिकन पवार, प्राथमिक शिक्षक, जिल्हा परिषद शाळा, हनुमान वाडी, ता.नाशिक
नांदगाव : राजकुमार माणिकराव बोरसे, मुख्याध्यापक, जिल्हा परिषद शाळा, साकोरा, ता.नांदगाव
पेठ : रवींद्र सुभाष खंबाईत, पदवीधर प्राथ. शिक्षक, मोहपाडा ता.पेठ
सिन्नर : संतोष बाळासाहेब झावरे, जिल्हा परिषद शाळा, आशापुरी(घोटेवाडी) ता.सिन्नर
सुरगाणा : परशराम पंडीत पाडवी, प्राथमिक शिक्षक, जिल्हा परिषद शाळा शिंदे (दि) ता.सुरगाणा
येवला : बालाजी बिभीषण नाईकवाडी, प्राथमिक शिक्षक, जिल्हा परिषद प्राथमिक शाळा पांडववाडी, ता. येवला
त्र्यंबकेश्वर : अर्चना ज्ञानदेव गाडगे, प्राथमिक शिक्षिका, जिल्हा परिषद शाळा, हेदुलीपाडा ता. त्र्यंबकेश्वर
गुणवंत शिक्षकांचे अभिनंदन
नाशिक जिल्हा परिषदेतील अनेक शाळांमधील शिक्षक हे नाविन्यपूर्ण संकल्पनांच्या माध्यामातुन विद्यार्थ्यांना शिकवण्याचे काम करत असतात असे सर्व शिक्षक हे आदर्श व गुणवंत आहेत, अशा सर्व शिक्षकांकडून जिल्हा परिषद शाळेतील विद्यार्थ्यांची शैक्षणिक गुणवत्ता नक्की वाढेल याची आम्हाला खात्री आहे. –
आशिमा मित्तल, मुख्य कार्यकारी अधिकारी
जिल्हा परिषद, नाशिक.
indiadarpanlive #zp #teacher #shikshakdin #fallingbuilding
